Jerebe jerlesterimizdi Japonııamen jolyqtyrdy. Bul kezdesý 12-13 sáýir kúnderi Kúnshyǵys elinde ótedi. Buǵan deıin atalǵan jarystyń irikteý saıystarynda atalǵan komandalar ózara bes márte kúsh synasty. Sol básekelerdiń tórteýi japondardyń jeńisimen aıaqtaldy. Qazirgi kezde álemdik reıtıngte Qazaqstan komandasy 9-orynda tursa, qarsylastarymyz 20-satyǵa turaqtady. Bul kúnderi Japonııada jekelegen tennısshiler arasynda jasyndaı jarqyldap júrgen eshkim joq. Olardyń eń úzdik oıynshylary WTA tiziminde mynadaı oryndarǵa jaıǵasty: Nao Hıbıno – 95-oryn, Maı Hontama – 117-oryn jáne Moıýka Ýchıdjıma – 198-oryn. О́zgelerdiń kórsetkishteri odan da tómen.
Kezinde Japonııa quramasyn áıgili Naomı Osakanyń órge súıregenin jaqsy bilemiz. 2018-2021 jyldar aralyǵynda ol AQSh pen Aýstralııanyń ashyq birinshilikterin eki retten utyp, WTA týrnırleriniń jeti dúrkin jeńimpazy atandy. Alaıda kelesi jyly dekrettik demalystan keıin qaıta kortqa shyǵýdy josparlap otyrǵan Osakanyń birden babyna kelýi ekitalaı.
