ÚShQOŃYR

Úshqońyr jasyl jaılaý, dala aty da, Qońyr qyr, qońyr tóbe, taý aty da. Kúsh bergen qasıetti, kıeli óńir, Talpynǵan talaılardyń qanatyna. Keńdik te kemeńgerlik bir basynda, Daladaı darqandyq bar tulǵasynda. Tanyǵan búgin álem Elbasymyz, Nursultan Ábishuly týdy osynda. Jasynda Nursultandy Sultan degen, Saý bolsa samǵap bıik shyrqar degen. Turpaty, túr-tulǵasy bólek bala, Taıynda teń bop ósti tulparmenen. Úshqońyr qasıetti, nurly meken, Er ulyń el baǵyna týdy ma eken. Jas Sultan eńbekke erte aralasyp, Ár iske erte belin býdy bekem. Súıikti balasynyń lebine erip, Súıipti Áljan ana emirenip. Jas Sultan qoı qaıyryp, jylqy baqty, Eńbekshil Ábish áke sońyna erip. Jas Sultan osynda ómir syryn uqty, Araıly nurmen júzin jýynypty. Osynda qatarynan oza shaýyp, Oıatty júrekterden myń úmitti. Júzine altyn araı, nur sińdirip, Keýdege aı qondyryp, kún syıdyryp. Jarqyldap jas Nursultan óse berdi, Ár isi jurttyń bárin súısindirip. Aldynan shyǵatyndaı araıly kún, Kóterdi qıyndyqtyń talaı júgin. Aıtatyn boldy jurt ta ańyz etip, Aq kóńil, ádildigin, adaldyǵyn. Dostyqty, joldastyqty aradaǵy, Qashanda berik ustap, baǵalady. Qınalǵan jandar bolsa qolyn sozdy, Úlken ne kishi eken dep qaramady. Qaıratty, aıbyndy da aıbatty ári, Jarqyldap júretin-di, jaınap taǵy. Erekshe eń birinshi bala boldy, Úshqońyr, búkil aýyl, aımaqtaǵy. Janynyń jaryǵy bar endi jaqqan, Qurmettep jas Sultandy el de unatqan. Asyrdy abyroıyn aǵaıynnyń, Aıryqsha áýletke de boldy maqtan. Ájesi eljiredi “Qulynym” dep, Ákesi bildi erteńgi bıigim dep. Anasy aıalady “aq Sultanyn”, “Otym men sýym aldy, tunyǵym” dep. Báriniń yqylasy bólek edi, Janynan tabylatyn demegeli. Aıaýly áje, áke, anasynan, Kóp kórip ósti Sultan ónegeni. Júretin mańaıyna jıyp kisi, Jaqsy istiń boldy ákesi uıytqysy. Qolynan tamǵan óner, sózge sheber, Anasy boldy aýyldyń súıiktisi. Ananyń ónegesi boıǵa daryp, Ákeniń kóp jumysyn qolǵa alyp. Tynymsyz izdenispen, eńbekpenen, Jas Sultan jaqsy azamat bolǵany anyq. Málim ǵoı qıyn joldy tańdaǵany, Ana men áke úmitin jalǵaǵany. Málim ǵoı Úshqońyrdan túlep ushyp, Kóginde kúlli álemniń samǵaǵany. Júıesin, barlyq istiń jigin bilip, Aqyl, oı, parasatpen súıindirip. Táýelsiz elge alǵash Elbasy bop, Kóterdi týǵan Otan taýyn bıik. Bas ıgen nyq isine naryqtaǵy, Álemniń san alpaýyt, alyptary. Málim ǵoı Qazaq elin kókke órletip, Tórine tórtkúl dúnıe tanytqany. Halqymnyń oryndalyp basty armany, Elim de, Elbasym da aspandady. Úshqońyr – jas Sultannyń tal besigi, Belgili bári senen bastalǵany. Úshqońyr, kókke ushyrǵan dara qusyń, Esińe Sultanyńdy alamysyń. Máńgilik bıigińde tursa deımin, Jarqyrap jas Nursultan – bala músin. Mahmutbaı ÁMIREULY, Qazaqstan Jazýshylar  odaǵynyń múshesi. QYZYLORDA.