Ǵylym jáne joǵary bilim mınıstrliginiń 2023-2025 jyldarǵa arnalǵan granttyq qarjylandyrý jobasy aıasynda issaparǵa shyqqan ǵalymdar Shyǵys Aral mańynyń arheologııalyq muralaryn zerttep, Horezm arheologııalyq-etnografııalyq ekspedısııasynyń jańa arhıvtik derekterin júıeledi.
Sapar barysynda «Arheologııa jáne etnografııa» ǵylymı ortalyǵynyń jetekshisi, fılosofııa doktory Ázilhan Tájekeev, ortalyq qyzmetkerleri fılosofııa doktory Baǵlan Shoraev, doktorant Yslam Qurmanııazov, joba oryndaýshysy Rústem Dármenov kóptegen tyń derektermen tanysypty. Ondaǵy Syr óńiriniń arheologııasy men tarıhyna qatysty qundy málimetter men jádigerlerdi taýyp, kóshirmesin elimizge alyp kelýdi kózdegen mamandar sapary sátti boldy.
– 1946-1990 jyldary Qyzylorda oblysy aýmaǵynda KSRO ǴA Horezm arheologııalyq-etnografııalyq ekspedısııasy júrgizgen zertteý jumystary osy kúni N.N.Mıklýho-Maklaı atyndaǵy Etnologııa jáne antropologııa ınstıtýtynda saqtaýly tur. Biz Túgisken qorymdary, Uıǵaraq obalary, Shirik-rabat arheologııalyq mádenıeti, Jetiasar estkertkishterine qatysty ǵylymı derekter negizinde jumystar istedik, – dedi ǵalym Ázilhan Tájekeev.
Jergilikti ǵalymdardyń jemisti sapary nátıjesinde jınalǵan ǵylymı derekter alda baspa júzin kóredi.
Qyzylorda
