Retteýshilik menshik kapıtaly bank qyzmetinde týyndaýy múmkin shyǵyndar men táýekelderdi jabatyn qarjylyq rezervti quraıdy. Retteýshilik menshik kapıtalynyń ósimi boıynsha kósh basynda – Bereke Bank. Bir jylda birden 87,1%-ǵa ósip, 132,9 mlrd teńgeni quraǵan. Ekinshi oryndy jyldyq 35,4% ósimmen Kaspi Bank ıelendi. «Bank SentrKredıt» úzdik úshtikti túıindeıdi: bir jylda 34%-ǵa artty. Bestik qataryna «Otbasy bank» (33,6%-ǵa artty) jáne Eýrazııalyq Bank (30,6%-ǵa artty) enedi.
«Jalpy, Qazaqstannyń bank sektorynda kapıtaldyń jetkilikti rezervi bar ekenin atap ótken jón. Negizgi kapıtaldyń jetkiliktilik koeffısıenti (k1) – 19%-ǵa, menshikti kapıtaldyń jetkiliktilik koeffısıenti (k2) 21,6%-ǵa jetti. Bul júıede orta eseppen zańnamada belgilengen normalardan aıtarlyqtaı asyp túsedi jáne bankterge kez kelgen bolýy múmkin táýekelderdi jabýǵa múmkindik beredi», deıdi Finprom sarapshylary.
Aıtqanymyzdaı, menshik kapıtalynyń jetkilikti bolýy banktiń qarjylyq turaqtylyǵyna, salymshylar senimine, nesıe múmkindikterin arttyrýǵa, kez kelgen sátte týyndaǵan táýekelder men daǵdarystardy eńserýge jáne ósý, damý áleýetin arttyrýǵa kepil bolady.
