Birinshi órt sóndirý bólimi shaqyrtý ornyna 7 mınýt ishinde kelgen. О́rt tolyq 6:22-de oqshaýlanǵan.
«Kelgen boıda 1 qabaty jáne jertólesi jataqhanaǵa aınalǵan 3 qabatty turǵyn úıdiń janyp jatqany anyqtaldy. Aldyn ala aqparat boıynsha órttiń jalpy aýdany – 25 sharshy metr», dep habarlady departament.
О́rt bolǵan hostelde 72 adam bolypty, órtti barlaý jáne sóndirý barysynda 13 adamnyń máıiti tabyldy. Qazir olardyń kim ekeni anyqtalyp jatyr. Olar kómirtegi totyǵynan ýlanyp qaıtys bolǵan.
Almaty qalalyq densaýlyq saqtaý basqarmasy órtten zardap shekken eki adamǵa alǵashqy kómek kórsetken. Basqarmanyń málimetine sáıkes, naýqastyń birine kómirqyshqyl gazyna ýlaný dıagnozy qoıyldy.
«Onyń jaǵdaıy ortasha aýyr, turaqty dep baǵalanyp otyr. Ekinshi naýqas barlyq tekserýden keıin usynystarmen ambýlatorlyq emdelýge jiberildi», dep habarlady vedomstvodan.
О́rt bolǵan aımaqtan 59 adam óz betinshe shyqqan, olar qazir evakýasııalanyp, 56-sy jaqyn mańdaǵy mektepke ornalastyrylǵan.
О́rtti sóndirýge qalalyq Tótenshe jaǵdaılar departamentiniń 46 qyzmetkeri men 14 tehnıka jumyldyrylǵan.
