Almaty qalalyq Tótenshe jaǵdaılar departamentiniń basshysy Nurlan Atyǵaev evakýasııalanǵan adamdardyń kóbi sheteldikter ekenin aıtty.
«Hostel ákimshiliginiń sózinshe, óz betimen syrtqa shyqqan adamdardyń deni О́zbekstan, Qyrǵyzstan, Pákistan eliniń azamattary. Aralarynda Qazaqstan azamattary da bar. Qaza tapqandardyń kim ekeni anyqtalyp jatyr. Hosteldiń ashylǵanyna 1 jarym aı bolǵan», dedi Nurlan Atyǵaev.
Sondaı-aq departament basshysy jertóleden ashylǵan hostelde adamdardy turǵyzý zańsyz áreket dep baǵalady.
«Úsh qabatty ǵımarattyń jertólesinen hostel ashqan. Bul negizi zańǵa qaıshy. Sebebi jertóle qansha jerden jabdyqtalsa da adam turýǵa arnalmaǵan», dedi N.Atyǵaev.
Eske salaıyq, buǵan deıin Almatyda hostel órtenip, 13 adam qaza bolǵanyn habarladyq.
