Foto: gov.kz
«Qurylysy uzaqqa sozylǵan JEO-3-ti iske qosý úshin úlken jumys atqaryldy.
Atalǵan jylý elektr ortalyǵyndaǵy tórt qazandyqtyń bári iske qosyldy. Bul qalany 440 Gkal/saǵatpen qamtamasyz etýge múmkindik beredi.
JEO-3-tiń birinshi kezeńiniń qurylysy qazan aıynda aıaqtaldy. Nysan osy kezden bastap qalaǵa jylý berýdi bastady. JEO-3 sol jaǵalaýdyń bir bóligin jáne qurylys jumystary júrip jatqan jańa aýdandardy jylýmen qamtıdy.
Sol sııaqty tirshilikti qamtamasyz etetin jańa nysandarda jańa qýattar iske qosyldy. Máselen, jańa «Ońtústik-Shyǵys» gaz jylý stansııasyn alaıyq. Bul gaz jylý stansııasy «Baǵystan», «Myńjyldyq alleıasy» turǵyn úı keshenderi aýdandaryn, qalanyń sol jaǵalaýyn jylýmen senimdi qamtamasyz etedi. Osy jyldyń sońyna deıin stansııany 350 Gkal/saǵ maksımaldy qýattylyqqa deıin jetkizý boıynsha iske qosý jumysy jalǵasady.
Sondaı-aq jeltoqsan aıynda qýattylyǵy 350 Gkal/saǵ bolatyn «Turan» gaz jylý stansııasynyń 1-kezeńin iske qosýdy josparlap otyrmyz. Osylaısha, úsh nysannyń kúshi 1140 Gkal/saǵ quraıdy», dep jazdy Jeńis Qasymbek.
