Sport • 01 Jeltoqsan, 2023

«Prıshtınanyń» tas-talqanyn shyǵardy

134 ret
kórsetildi
1 mın
oqý úshin

Fýtzaldan ÝEFA Chempıondar lıga­synyń elıtalyq kezeńi bastaldy. Almatynyń «Qaıraty» tusaýkeser kezdesýin Kosovonyń «Prıshtına» klýbyna qarsy ótkizdi.

«Prıshtınanyń» tas-talqanyn shyǵardy

Prıshtınadaǵy oıynda alǵashqy goldy alań ıeleri soqty. 4-mınýtta qaqpanyń dál túbinde Igıta, Aleks Vıana jáne Albert Akbalıkov bir-birine pas beremiz dep aqyry óreskel qatelik jiberdi. Onyń aqyry avtogolmen aıaqtaldy. Odan keıin «Qaırat» oıyn tizginin tolyǵymen qolǵa alyp, úziliske deıin qatarynan jeti márte nysanany dál kózdedi. Bul goldardyń avtorlary – Pedro Santos (7, 17-mınýttar), Alısson (7-mınýt), Dıego Favero (8, 17-mınýttar), Rodrıgo Dener (12-mınýt) jáne Edson (17-mınýt). Ekinshi taım bastalǵan bette de kosovolyqtar mergendik tanytty. Desek te, matchtyń so­ńyna deıin Rodıgo Dener (27-mınýt), Dýg­las (29-mınýt), Aleks Vıana (29-mınýt) jáne Kaıo Rýız (30-mınýt) mergendik kórsetti.

Osylaısha, tusaýkeser kezdesýde «Qaırat» «Prıshtınany» 11:2 esebimen oısyrata utty. Keshe almatylyqtar Portýgalııanyń «Benfıkasymen» kúsh synasty.