Jınalǵandar Pavlodar oblysynyń Ekibastuz qalasynda ferroqorytpa óndiretin zaýyt salý máselesin talqylady. Qýaty jylyna 80 myń tonna ferrosılısıı bolatyn joba 520-dan astam turaqty jumys ornyn ashýǵa múmkindik beredi.
Zaýyt ferroqorytpa ónimin Japonııa, Ońtústik Koreıa, AQSh, Túrkııa jáne Eýropa elderine eksport kólemin arttyrýǵa septesedi. Joba boıynsha ınvestısııa kólemi 113 mlrd teńgeden assa, paıdalanýǵa berý merzimi – 2025 jyl dep josparlanyp otyr.
Komıssııanyń kezekti otyrysynda munaı ken oryndaryn odan ári ıgerýdiń ózekti máseleleri qozǵaldy. О́ndiris tıimdiligin arttyrý, jumys oryndaryn qurý jáne qyzmet kórsetý kompanııalaryn qajetti jumys kólemimen qamtamasyz etý sııaqty baǵyttar qaraldy.
Sonymen qatar memlekettik komıssııa músheleri Jekeshelendirýdiń 2021-2025 jyldarǵa arnalǵan keshendi josparyn talqylady. Atap aıtqanda, jobalardy qosý jáne alyp tastaý boıynsha jańartylǵan krıterııler, sondaı-aq birqatar aktıvti básekelestik ortaǵa berý jónindegi usynystar saralandy. Onyń ishinde, Qazaq Air áýekompanııasyn 2024 jyly básekelestik ortaǵa berý máselesi talqylandy.
