Qylmystyq is QR QK-niń 292-babynyń 3-bóligi boıynsha (abaısyzda eki ne odan da kóp adamnyń ólimine ákep soqtyrǵan órt qaýipsizdigi erejelerin buzý) bastalǵan.
Bas prokýrordyń tapsyrmasyna sáıkes qylmystyq is arnaıy prokýrordyń is júrgizý óndirisine qabyldanǵan.
Quqyq qorǵaý organdarynyń tájirıbeli qyzmetkerlerinen vedomstvoaralyq jedel-tergeý toby quryldy.
О́rttiń shyǵý sebebi men alǵysharttaryn anyqtaý maqsatynda oqıǵa ornyna qarap-tekserý júrgizilip, saraptamalar taǵaıyndalyp, ózge de jedel-tergeý is sharalary uıymdastyrylyp jatyr.
Sol kúni osy qylmysty jasady degen kúdikpen hosteldi jalǵa berýshi Mýhamedıarov A ustalyp, qamalǵan.
Tergeý aıasynda hosteldiń qyzmet kórsetýine qatysy bolǵan barlyq tulǵalardyń áreketine quqyqtyq baǵa beriledi.
Buǵan deıin bas prokýrordyń orynbasary Jandos О́mirálıev Almatyda 13 adamnyń ómirin qıyp ketken hosteldegi órt jaıly suraqqa jaýap berip, órt shyqqan ǵımarattyń hostel retinde qoldanylýy zańǵa qaıshy degen.
Memleket basshysy Qasym-Jomart Toqaev Almatydaǵy jataqhanada qaza tapqan Qazaqstan jáne shetel azamattarynyń týystary men jaqyndaryna kóńil aıtty.
