aqorda_resmi
«Qasym-Jomart Toqaev Klımattyń ózgerýi jónindegi BUU-nyń negizdemelik konvensııasy taraptarynyń 28-shi konferensııasy aıasynda ACWA Power kompanııasy dırektorlar keńesiniń tóraǵasy Muhammed Abýnaııanmen kezdesti. Kezdesý barysynda kompanııanyń Qazaqstanmen ózara yqpaldastyǵyn odan ári nyǵaıtýdyń negizgi aspektileri jáne birqatar ınvestısııalyq jobany júzege asyrý máseleleri talqylanǵany» aıtyldy.
Kezdesý barysynda Jetisý oblysynda boı kóteredi dep josparlanǵan qýaty 1 GVt bolatyn jel elektr stansııasyn salýdyń mańyzdylyǵy aıtyldy. Bul nysanǵa 1,8 mıllıard dollar kóleminde ınvestısııa quıý kózdelip otyr. Muhammed Abýnaııan kompanııanyń Qazaqstandaǵy úlesin keńeıtýge jáne jasyl energetıka sektorynda ınvestısııalyq jobalardy júzege asyrýǵa múddeli ekenin aıtty. Qasym-Jomart Toqaev bul bastama Qazaqstannyń jańartylatyn energııa kózderin damytýdyń óńirlik ortalyǵy bolý nıetine saı keletinin atap ótti. Memleket basshysy kompanııanyń qyzmeti men aýqymdy jobalaryn, atap aıtqanda, quny 4,6 mıllıard dollar bolatyn Dýbaıdaǵy «Noor Energy 1» kún elektr stansııasynyń qurylysyn joǵary baǵalady. Bul álemdegi eń iri nysan sanalady.
