1 tamyzda bastalǵan «Global Outsourcer » baǵdarlamasyna qatysýǵa 50-den astam ótinim túsken, sonyń ishinen 20-sy iriktelip, 15 komanda akselerasııany sátti aıaqtady. Bul kompanııalar endi halyqaralyq naryqtarǵa shyǵyp, búkil álem boıynsha kelisimshart jasasyp, eksporttyq áleýetin arttyryp jatyr.
– Baǵdarlama kompanııalarǵa satylym kezeńderin, strategııany jáne kiris kózin damytýǵa, sondaı-aq kelissózder júrgizý daǵdysyn jáne usynys jasaýdy úırenýge kómektesti. Qatysýshylardyń 80 paıyzy alǵash ret eksportqa jumys isteı bastady jáne birneshe aı ishinde 27 elde jalpy quny 158 myń dollardan astam tabys tapty. «Upwork» negizgi satý alańyna aınaldy. Bul otandyq eksport kólemin arttyrýǵa septigin tıgizedi, – deıdi Astana Hub basqarýshy dırektory Tańat О́skembaev.
«Global Outsourcer» akseleratory Qazaqstannyń eksport kólemin ulǵaıtýǵa jáne IT-aýtsorsıng kompanııalardyń álemdik naryqtaǵy ornyn nyǵaıtý baǵytynda tıimdiligin kórsetti.
Jetekshi treker Nıkolaı Serkýtan men jetekshi sarapshy Maksım Tolmachev kompanııa bedelin qalyptastyrý jáne jahandyq ekojúıege tıimdi ený qajettiligi týraly másele kóterip, álemdik naryqtardaǵy jańa strategııalardyń mańyzdy ekenin aıtty. «Ádette usynylatyn qyzmet pen bedeldi qalyptastyrý úshin kóp ýaqyt pen aqsha qajet, biraq Global Outsourcer baǵdarlamasynyń nátıjesinde kompanııalar osy kezeńde ýaqyt pen resýrstardy únemdeı aldy», dep atap ótti olar.
Demo Day-de komandalar jańa strategııasyn, satylym kezeńderi men jasalǵan kelisimsharttardy kórsete otyryp, jobalaryn áleýetti klıentter men ınvestorlarǵa tanystyrdy. Yessen&Company bas dırektory Azat Esenov Kanada jáne Ulybrıtanııa naryǵyndaǵy tabysy týraly aıtty. Dara Solutions kommersııalyq dırektory Jasulan Aqaev aldaǵy josparymen bólisti. Ol 2025 jylǵa qaraı kompanııa tabysyn 500 myń dollarǵa deıin arttyrýdy kózdep otyr eken.
– Biz negizinen qoldanbalardy jergilikti kompanııalar úshin ǵana jasap júrgenbiz. Osy baǵdarlama arqyly halyqaralyq naryqqa qalaı shyǵý kerek ekenin bildik. Endi Eýropa men Ońtústik-shyǵys Azııa naryǵyna baǵyt alyp jatyrmyz. Qazir Germanııada kelisimshart jasadyq, sondaı-aq koreıalyq kompanııamen kelissóz júrgizip jatyrmyz, – dedi Code Union teń quryltaıshysy Demıan Iаzovskıı.
«Global Outsourcer»-ge qatysý nátıjesinde A-bıznes, SodeUnion, Arcana Inc, AtyrauTechInvest (ATI), Crocos, Dara Solutions, JaiyqDev, Maxinum Consulting, Qazaqsoft, Singularis, TechWorks, Thousand, Updevision, Yessen & Company, 2up kompanııalary eksportqa shyqty.
Eske sala keteıik, Memleket basshysy Qasym-Jomart Toqaev Qazaqstandy óńirdegi jetekshi sıfrlyq ortalyqtardyń birine aınaldyrý maqsatynda 2026 jylǵa qaraı IT-eksport kólemin 1 mlrd dollarǵa deıin arttyrý mindetin qoıǵan bolatyn. Astana Hub-tyń barlyq bastamasy osy strategııalyq maqsatqa jetýge baǵyttalǵan quraldar.
