Is-shara barysynda qatysýshylar Qazaqstannyń bastamasymen uıymdy odan ári nyǵaıtý jáne damytý, sondaı-aq yntymaqtastyqty tájirıbelik sharalarmen tolyqtyrý jónindegi usynystardy qarady.
Qazaqstanda ótetin ShYU negizgi organdary – Memleket basshylary keńesiniń, Syrtqy ister mınıstrleri keńesiniń otyrystaryn, sondaı-aq Qaýipsizdik keńesteri hatshylarynyń kezdesýlerin sapaly daıyndaý boıynsha máselelerge basty nazar aýdaryldy.
2024 jyly Astanada ótken ShYU sammıtinde qol qoıýǵa josparlanǵan qujattardyń jobalaryna, onyń ishinde Memleket basshysy aıtqan «Ádiletti álem men kelisimdi jaqtaıtyn dúnıejúzilik birlik týraly» ShYU bastamasyna kelisý jumystary júrgizildi. ShYU-nyń qazirgi kezeńdegi qyzmetin jetildirý máselesi boıynsha tıisti sharalar men usynystar qaraldy.
Ulttyq úılestirýshi, SIM Erekshe tapsyrmalar jónindegi Elshisi Murat Muqyshev atqarylyp jatqan jumystyń mańyzyn, sondaı-aq tıimdi praktıkalyq kópjaqty ózara is-qımyl múddesinde ShYU-ny jetildirý máselesi boıynsha obektıvti jáne ózara qolaıly sheshimderdi ázirleýde múshe memleketterdiń syndarly kózqarasyn atap ótti. Ulttyq úılestirýshiler Uıymnyń qazirgi qyzmeti máselelerin, sonyń ishinde ShYU-nyń 2024 jylǵa arnalǵan negizgi is-sharalar josparyn da talqylady.
Otyrys dástúrli túrde jyly shyraıly dostyq ahýalda ótti. Taraptar birlesken jumystyń nátıjeliligin, Qazaqstannyń uıymǵa tóraǵalyq etýiniń basymdyqtary men josparlaryn iske asyrýǵa baǵyttalǵanyn atap kórsetti.
