Qyzdardyń úlesinde 8 medal

Jerlesterimizdiń jeńisti jolyn Aıajan Sydyq bastady. 54 kg salmaqta saıysqa tús­ken ol aqtyq synǵa deıin al­­qynbaı jetti. Sheshýshi tus­ta ún­distandyq Amısha Ker­­­kettany qapy qaldyrǵan Aıa­jan altynnan alqa taqty. Bar­lyq bes tóreshi de onyń myq­­­ty­lyǵyn biraýyzdan mo­ıyn­dady. Kóp keshikpeı 60 kg sal­maq dárejesindegi Tolǵa­naı Qasymhannyń ónerin ta­mashaladyq. Ol reseılik Kıra Leonovamen kúsh synas­ty. Ekeýi aıanbaı aıqasyp, bir-birin ábden soqqylady. Desek te Tolǵanaı alymdy ári qarymdy kórindi. Onyń soqqylary qarsylasyna kóbirek tıdi. Bul jaǵdaı qazy­lardyń nazary­nan tys qalǵan joq. Esep – 3:2. Úshinshi altyn medaldi komanda qorjynyna 66 kg salmaqtaǵy Aısulý Muhıt saldy. Asa shıelenisti básekede ol rýmynııalyq Amalııa Tý­gýıdy tize búktirdi – 3:2.

Osy kúnge deıin elimizdiń qyzdar quramasy Armenııanyń astanasynda bes qola medalǵa qol jetkizgen edi. Ol júldelerdiń ıegerleri – Sıla Bıbolsynqyzy (48 kg), Gaýhar Zarden (50 kg), Aısha Sárıeva (52 kg), Alına Qudaıbergenova (63 kg) jáne Quralaı Egimbaıqyzy (80 kg). Sóıtip, bizdiń boksshy qyzdar bıylǵy álem chempıonatyn 3 altyn jáne 5 qolamen qory­tyn­dylady. Barlyǵy – 8 júl­de. Árıne, bul – óte tamasha kórsetkish!