Jalǵyz altyn – jubanysh

Elimizdiń erkin kúres she­ber­leri arasynan Rústem Myr­zaǵalıev tabysty óner kórsetti. Fınalǵa deıin esh qınalmaı jet­ken ol sheshýshi saıysta boz­kilemniń qojaıyny Orhan Ab­basovtyń aılasyn asyra almady. Nátıjesinde, Rústem kúmis medaldi moınyna ildi. Dáýlet Temirjanov (57 kg), Ádil Ospanov (65 kg), Meıirjan Áshirov (70 kg) jáne Nursultan Azov (125 kg) jartylaı fınalda utylyp, qola júldege qol sozdy. Jalpy esepte jarys qojaıyndary kósh bastady. 10 salmaq dárejesi bo­ıynsha ótken básekelerdiń be­seýinde, ıaǵnı Álı Ragımzade (65 kg), Gadjı Álıev (70 kg), Tu­ran Baıramov (70 kg) jáne Ibra­gım Iýsýbov (92 kg) syndy Ázerbaıjannyń apaıtósterine teń keler eshkim tabylmady. Sondaı-aq ırandyq Mahdı Veısı (57) men Mostafa Toganı (125 kg), túrkııalyq Ahmed Dýman (61 kg) men Mustafa Sezsiz (97 kg) jáne amerıkalyq Morgan Makkıntosh (86 kg) bas júldeni qanjyǵasyna baılady. Áıelder básekesinde eki kúmis medal buıyrdy. Onyń ıegerleri – Aınur Áshimova (57 kg) men Irına Kýznesova (62 kg).

Grek-rım kúresi sheberleri jalǵyz júlde alǵanymen, sapa jaǵynan erkin jáne áıelder kú­resinen olar ozyp ketti. О́ıt­keni olardyń qorjynynda altyn medal bar. Ony Amanǵalı Bek­bolatov oljalady. 55 kg sal­maq dáre­jesinde kúsh synasqan qan­dasymyz buǵan deıin de birqatar asa iri halyqaralyq dodalarda daralanǵan. 2022 jyly ol Azııa chempıonatynda kúmis alsa, 2023 jyly qolany enshiledi. 2021 jyly Islam yntymaqtastyǵy oıyndarynda úshinshi satyǵa turaq­tady. Onyń aldynda jas­óspi­rimder men jastardyń álem birin­shilikterinde qola medaldi ıemdendi. Al Qap taýynyń bók­terinde Aman­ǵalı Iran, Reseı, Túr­kııa, Ázer­baıjan balýandarynan basym tú­sip, altyn me­daldi moınynda jar­qy­ratty.

Esterińizge sala ke­teıik, kúni búginge deıin eki balýa­nymyz ǵana ás­ke­­rıler arasynda álem chem­pıo­ny atanǵan. Olar – er­kin kúres sheberi Baǵlan Ja­qan­sha (2013) men grek-rım kúresiniń ókili Ǵa­lymjan О́ser­baev (2014). Mine, endi so­lardyń qa­ta­ryna eń je­ńil sal­maqtaǵy Aman­ǵalı Bek­bo­latov qosylyp otyr.