Endi kóz jumǵan áıeldiń kúıeýi júrgizýshiniń qatań jazalanǵanyn talap etip otyr. О́ıtkeni, qyz kólikti mas kúıinde tizgindegen. Qazir ol ýaqytsha ustaý ızolıatoryna qamalyp, qylmystyq is qozǵaldy. Sot kináli dep tapsa, bes jylǵa deıin bas bostandyǵynan aıyrylýy múmkin.
Erbol Jumabaev jarynyń qazasy jaıly tártip saqshylarynan estigen.
"Ishimdikke sylqııa toıyp alyp áıelimdi qaǵyp óltirgen qyz óziniń ǵana emes, bizdiń ómirimizdi de oıran etti. Tórt balamdy anasyz qaldyrdy. Qazir kenjemiz tórt jasta, ol áli túsinbeıdi, anasyn kútip júr. Júregim jylap, ózimdi qoıarǵa jer tappadym. Ol qyz áıelimdi qaǵyp ketip, shyǵa sala óz kóligine qarady, sodan keıin áıelimdi kórip, ony kóterip, qaıta tastaı saldy. Qashyp ketkisi de keldi. Odan soń kóliktegi zattaryna bola qaıtyp kep, jaıbaraqat aýladan shyǵyp, taksı shaqyryp ketip qaldy", degen qara jamylǵan otaǵasy.
