Qabyldanǵan qujattardyń oryndalý barysy qaraldy

Beınekonferensııa baılanysy rejiminde Qazaqstan men О́zbekstan Premer-mınıstrleriniń orynbasarlary Serik Jumanǵarın men Jamshıd Hodjaevtyń basshylyǵymen taraptar Memleket basshysynyń 2022 jylǵy jeltoqsandaǵy О́zbekstanǵa saparynyń qorytyndysy boıynsha qabyldanǵan qujattardyń oryndalýyn qarady.

Atap aıtqanda, Investısııalyq kelisimder men saýda-sattyq kelisim-sharttaryn iske asyrý jónindegi jol kartasy aıasynda 20 ınvestısııalyq jobany jáne 5 saýda kelisimshartyn oryndaý josparlanǵan.

Keńeste taraptar «Ortalyq Azııa» halyqaralyq ónerkásip kooperasııasy ortalyǵyn qurý jobasy boıynsha júrgizilgen jumystar týraly aqparat berdi. Búgingi tańda uıymdastyrýshylyq-ókimdik qujattardy qabyldaý rásimderi aıaqtal­dy, 2023 jylǵy 9 qarashada Tash­kent qalasynda Kooperasııa orta­ly­ǵynyń qyzmetin retteý týraly kelisimge qol qoıyldy. Kele­si kez­eń jobanyń TEN-in ázirleýge qatys­ty máselelerdi qaraýdy qamtıdy.

Jumys tobynyń músheleri saýda-sattyqtaǵy kedergilerdi joıý sharalaryn talqylady. Atap aıtqan­da, qazaqstandyq tarap О́zbekstan­ǵa jetkizý jáne ónimniń keıbir túrlerin óndirý kezinde aksızdik salyq mólsherlemelerin birizdendirý úderisin jedeldetý qajettigin atap ótti. Qatysýshylar naqty usynystar ázirleý úshin arnaıy jumys tobyn qurýǵa kelisti.

Qazaqstan men О́zbekstan ókil­deri erkin saýda rejiminiń tıim­di jumys isteýi úshin tıisti eki­jaq­ty qujatqa qol qoıý arqyly taýarlardyń qaı elde shyǵaryl­ǵa­nyn anyqtaýdyń biryńǵaı tárti­bin paıdalaný múmkindigin zerdeleýge kelisti.

Sonymen qatar taraptar jańa kólik dálizderin qalyptastyrý, sondaı-aq ekijaqty jáne tranzıttik tasymaldar úshin qolaıly jaǵdaı jasaý úshin birlesken jumysty jalǵastyrýǵa nıetti.

Sońynda jumys tobynyń otyrysynda Transshekaralyq sý nysandaryn birlesip basqarý jáne paıdalaný týraly úkimetaralyq kelisimniń jobasyn daıyndaý máse­leleri talqylandy. 2023 jyl­ǵy 19 jeltoqsanda kelisilmegen máseleler boıynsha ózara yńǵaıly sheshimder qabyldaý úshin salalyq mınıstrlerdiń kelissózderi ótedi dep kútilýde.