Volonterlik qyzmet – ońaı jumys emes. Volonterlik - áleýmettik jumystyń mańyzdy ádisteriniń biri. Iаǵnı bul qyzmet syıaqy talap etpeı, qoǵamnyń ıgiligi úshin óz erkimen jumys isteý. Sebebi atalǵan qyzmet álemdi basqa kózben kórýge, jańa nárse úırenýge, ártúrli adamdarmen tanysýǵa jáne kóptegen múmkindikter beredi.
5 jeltoqsan - Halyqaralyq eriktiler kúnine oraı elordada 4-11 jeltoqsan aralyǵynda «Erikti bolý ońaı» uranymen qysqy jaqsylyq aptalyǵy aıasynda volonterler belsendiligi aptalyǵy ótip jatyr.
Osyǵan oraı Astana qalasy ákimdiginiń «Astana jastary» JRO» KMM «Astana qalasynyń jastar saıasaty máseleleri basqarmasy» MM birlesip volonterlik jáne qaıyrymdylyq uıymynyń, qozǵalystar men qorlardyń basshylaryn marapattaý rásimi ótti.
Atap aıtsaq, is-sharaǵa habar-osharsyz ketken adamdardy izdeýmen aınalysatyn «Astana eriktileri LIDER.KZ» QB, jalǵyzbasty qarttar men erekshe qajettilikteri bar adamdarǵa, jalǵyzbasty analarǵa ataýly áleýmettik kómek kórsetetin «Klýb Dobrıakov» QQ, qaıyrymdylyq negizde kıim, aıaq kıim jınaıtyn áleýmettik dúkendi júrgizetin «LikeKomek» JShS, avtovolonter retinde kómek kórsetetin «Skoda club Astana» avtoklýby, aýlaýǵa túsken úı janýarlaryna kómek kórsetetin «New.life.astana» prııýti, balalar úıinde trenıngter, master-klasstar, týrnırler ótkizýmen jáne az qamtylǵan otbasylardan shyqqan jáne múmkindigi shekteýli balalardy oqytýmen aınalysatyn «MikaSun» bastamashyl eriktiler toby jáne t.b uıymdar qatysty.
