Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasovtyń sózinshe, Almatyda 56 myń múmkindigi shekteýli azamat bar. Olardyń 700-den astamy túrli salada jumys isteıdi. Bıyl olardy qoldaý maqsatynda ınvataksı jobasy, qaladaǵy búkil nysandarda múmkindigi shekteýli jandarǵa qolaıly jaǵdaı jasaý úshin pasporttaý jobasy júzege asa bastady.
«Inklıýzıvti qoǵam, ınklıýzıvti ekonomıka quryp jatyrmyz. Inklıýzıvti ınfrastrýktýra quryp jatyrmyz. Ár adam óziniń kózqarasyn ózgertse, onda múgedektigi bar jandar eshqandaı óziniń shekteýin sezinbeıdi. Bizben qatar qoǵamda ómir súredi, jumys isteıdi, belsendi bolady. Múmkindikter forýmy degen sharanyń basty maqsaty osy»,- deıdi Baýyrjan Jaýbasov.
Almaty múgedekter qoǵamy tóraǵasynyń orynbasary Ulan Ińkárbekov bizdiń qoǵamdaǵy eń úlken máselelerdiń biri arbada otyrǵan adamdardyń úıinen shyǵa almaýy ekenin jetkizdi.
«Ár úıde 6 baspaldaq bar. Arbaǵa tańylǵan jandar emin-erkin úıden shyǵa almaıdy. Shetelmen salystyrǵanda, olarda kedergi degen uǵym joq. Damyǵan memleketterde áleýmettik másele jaqsy qaralǵan. Al bizde endi salynyp jatqan úılerdiń bárinde múmkindigi shekteýli jandarǵa barsha múmkindik qarastyrylyp jatyr. Búgin kóptegen taqyryp kóterildi. Jınalys sońynda osy máselelerdi qabyldaımyz», - deıdi ol.
Sharaǵa otandyq jáne shet eldik úkimettik emes uıymmen qatar memlekettik sektor ókilderi de qatysty.
