«QTJ» UK» AQ basqarýshy dırektory Baýyrjan Orynbasarov habarlaǵandaı, «RTJ» AAQ-men birge memleketaralyq ótkizý pýnktteri jumysynyń tıimdiligine taldaý júrgizilip, olardy jaqsartý boıynsha is-sharalar ázirlendi. «Soltústik – Ońtústik» dálizdiń ótkizý qabiletin keńeıtý úshin 2023 jyldan 2025 jylǵa deıin Ilesk-1 stansasyndaǵy joldardy uzartý boıynsha jumystar kezeń-kezeńimen júrgiziledi jáne uzyndyǵy 213 km Orsk – Qandyaǵash ýchaskesinde avtobuǵattaýdy engize otyryp, ekinshi joldar salynatyn bolady. Bul jumystar RF tarapynan poıyzdardy qabyldaýdy táýligine 7-den 15 jupqa deıin ulǵaıtýǵa múmkindik beredi.
Ekinshi kezeńde Maqat – Shubarqudyq ýchaskesinde 4 jáne Mańǵyshlaq – О́zen ýchaskesinde 3 razezd salý, sondaı-aq avtobuǵattaýdy engizý josparlanýda. Perspektıvada Ilesk-1 – Aqtóbe (195 km), Qandyaǵash – Qıǵash (808 km), Shalqar – Beıneý (496 km), Beıneý – Mańǵystaý – Aqtaý porty, Quryq – Port (490 km), О́zen – Bolashaq ýchaskelerinde ekinshi joldar salý josparlanǵan (147 km). Bul jumystardyń barlyǵy «Soltústik-Ońtústik» dálizi boıynsha júk tasymaldaý kólemin jylyna 6 mln tonnadan 20 mln tonnaǵa deıin ulǵaıtýǵa múmkindik beredi.
Kaspıı torabynda konteınerlik hab qurylysynyń jobasyn iske asyrý boıynsha jumystar bastaldy. Ony «Aqtaý teńiz porty» AEA bazasynda qurý josparlanyp otyr. Hab nysandaryn ornalastyrý úshin arnaıy ekonomıkalyq aımaq aýmaǵynda aýdany 19 ga jer ýchaskesi rezervtelgen, qajetti ınfraqurylymdy júrgizý, taratý jelileri bar qosymsha elektr stansasyn salý úshin JSQ ázirleý boıynsha jumystar júrgizilýde. Serik Jumanǵarın jyl sońyna deıin balamaly saýda baǵyttaryn damytýdyń mańyzdy býyny bolyp tabylatyn Kaspıı torabyn damytý tujyrymdamasynyń tolyq jobasyn usynýdy tapsyrdy.
Qazaqstannyń transshekaralyq habtary jelisindegi negizgi joba Jetisý oblysyndaǵy «Qorǵas toraby» bolyp tabylady. Bul Qazaqstan – Qytaı shekarasynda ornalasqan ınfraqurylymdyq obektiler kesheni («Qorǵas» HShYO, AEA «Qorǵas – Shyǵys qaqpasy» AEA, «Nur-Joly» baqylaý-ótkizý pýnkti, «Altynkól» temirjol stansasy jáne «Qurǵaq port» temirjol termınaly). Qorǵas torabyn is júzinde iske asyrý eksport, tranzıt kólemin ulǵaıtý jáne óndiristik kooperasııany damytý úshin barlyq ınfraqurylymdyq obektini túıindestirý men yqpaldastyrýdan turady.
Jetisý ákimdiginiń málimetinshe, qazirgi ýaqytta AEA aýmaǵynda 48 qatysýshy tirkelgen, jalpy somasy 48,7 mlrd teńgege 15 kásiporyn jumys isteıdi, 1600 jumys orny quryldy. Jyl sońyna deıin 1,7 mlrd teńgege taǵy 6 jobany iske qosý josparlanyp otyr. «Qorǵas» HShYO kirisiniń jalpy somasy 1,5 mlrd teńgeni quraıdy, týrıster sany 423 myń adamnan asty. Sáýirden qarashaǵa deıin «Qorǵas» halyqaralyq ortalyǵy arqyly 8 myń tonna kóleminde júk tasymaldandy. Búginde salynǵan ınvestısııanyń jalpy somasy 141 mlrd teńgege jetti.
Sondaı-aq otyrysta jergilikti atqarýshy organdardyń ókilderi «Eýrazııa» transshekaralyq saýda ortalyǵyn, «Alataý» ındýstrııalyq saýda-logıstıkalyq keshenin, «Ortalyq Azııa» halyqaralyq shekara mańy saýda ortalyǵyn qurý jónindegi jumystardyń barysy týraly habarlady.
Otyrys qorytyndysy boıynsha vıse-premer Serik Jumanǵarın Batys Qazaqstan jáne Jambyl oblystarynyń ákimdikterine «Eýrazııa» TSO» ındýstrııalyq aımaǵyna ınfraqurylymdy aıaqtaý jáne ISLK qurý jónindegi jumystardy jedeldetýdi, sondaı-aq konkýrstyq negizde «Alataý» ındýstrııalyq aımaǵynyń basqarýshy kompanııasyn aıqyndaýdy tapsyrdy. Túrkistan oblysynyń ákimdigine óńirlik ındýstrııalyq aımaq tujyrymdamasyn «Ortalyq Azııa-HО́KO» ataýymen bekitý tapsyryldy.
