foto: ile_alatau_nationalpark/instagram.com
Ile-Alataý ulttyq parkiniń mamandary bul qubylystyń birneshe faktorlardyń áserinen oryn alǵanyn atap ótti.
«Almatynyń relefi ártúrli bıiktikti qamtıtyndyqtan, joǵary bıikte qar ádette tómen aýdandarǵa qaraǵanda erterek túsedi. Sol sebepti qar túspegen taýdyń tómen beldemderinde keıbir ósimdik túrleri, sonyń ishinde alǵashqy kóktem gúlderi de +10 gradýs aýa raıy jaǵdaıynda gúl ashyp jatqany tańǵalarlyq qubylys», dep túsindirdi mamandar.
Sondaı-aq bıylǵy jaz mezgili álem tarıhyndaǵy eń ystyq jaz bolyp tirkeldi.
«Ádettegiden tys aýa temperatýrasynyń joǵarylaýy qystyń kelmeýine birden-bir sebep bolýy múmkin. Sonymen qatar uzaq merzimdi klımattyq tendensııalar, jahandyq klımattyń ózgerýi maýsymdyq aýa raıyna, sonyń ishinde jaýyn-shashyn men temperatýra rejımine áser etip, qardyń túsýin keshiktiredi», delingen habarlamada.
