Paıdaly kezdesý

Kezdesýde «Aýyl» partııasynyń tóraǵasy, Parlament Májilisiniń depýtaty, partııa fraksııasynyń jetekshisi Serik Egizbaev Parla­ment­te qabyldanyp jatqan ma­ńyzdy zań jobalaryna toqtalyp, ınklıýzıvti qoǵam músheleriniń kons­tıtýsııalyq quqyn qorǵaý máse­lesinde joǵarǵy zań shyǵarýshy organnyń atqaratyn qyzmeti týraly aıtty.

Májilis depýtaty, «Aýyl» par­tııa­sy fraksııasynyń múshesi, Múge­dek­tigi bar adamdardyń quqyǵyn qorǵaý jónindegi komıssııa tóraǵasy Tańsáýle Serikovtiń aıtýynsha, endi múge­dektigi bar adamdardyń múm­kin­digi arta beredi.

«Keıingi jyldary Memleket bas­shysy Qasym-Jomart Toqaev­tyń bastamasymen elimiz­de júr­gizilip jatqan saıası refor­ma­lar­dyń mańyzy zor. Mysaly, «Qa­zaqstandaǵy saılaý týraly» zańǵa engizilgen ózgerister boıyn­sha partııalardan Parlament Máji­li­sine ótken depýtattardyń ishinde 30 paıyzy áıelder, jastar jáne múgedektigi bar azamattardyń bolýy zań turǵysynda bekitildi. Sonyń nátıjesinde múgedektigi bar azamattar zań shyǵarý úderisine tike­leı aralasý múmkindigine ıe boldy. Muny Prezıdent júrgizgen saıa­sı reformalardyń jemisi dep ba­ǵa­laımyz», dedi Májilis depýtaty T.Serikov.

Tańsáýle Ǵabdymanapuly kóp jyldan beri tirek-qımyl apparaty buzylǵan múgedektigi bar jan­dar­dyń quqyqtaryn qorǵaý máse­le­lerimen aınalysyp júrgenin aıtady.

«Inklıýzıvti qoǵam músheleriniń qu­qyn qorǵaý jáne olarǵa kedergisiz orta qalyptastyrý – bul eldik damýy­­nyń kórsetkishi. Mysaly, damy­ǵan elderde múgedektigi bar adamdarǵa qoǵamda eshqandaı ke­dergi bolmaıdy. Bilim alyp, eńbek etip, el qatarly ómir súrip jatyr. Biz de sol kúnge jetýimiz qajet», deıdi májilismen.

Is-shara barysynda depýtattar Parlament pen onyń qury­lymy týraly aıtyp berdi. Motı­vasııalyq leksııa formatynda ótken basqosýda jastar qazirgi qoǵamdaǵy túıtkildi máselelerdi qozǵap, múgedektigi bar adamdardyń áleýmettenýi týra­­ly oılaryn ortaǵa sal­dy. L.N.Gýmı­lev atyndaǵy Eýra­zııa ult­tyq ýnıversıtetiniń múge­dektigi bar stý­dentteri Parla­ment­tiń otyrys zaldaryn aralap, zań shyǵarýshy organ men depýtattardyń jumys úde­risimen tanysty. Is-sharaǵa «Aýyl» partııasynyń «Jastar qa­na­ty» bas­tamashy boldy.