aqorda_resmi
Basqarma tóraǵasy áleýmettik medısınalyq saqtandyrý júıesiniń jyl basynan beri jáne jalpy MÁMS qolǵa alynǵan ýaqyt ishinde atqarylǵan jumystardyń qorytyndysy týraly esep berdi. Áleýmettik medısınalyq saqtandyrý júıesin engizý nátıjesinde densaýlyq saqtaý salasyna bólinetin qarjy 2,5 ese, al bir turǵynnyń densaýlyǵyna jumsalatyn shyǵyn eki ese óskenin aıtty.
Azamattarǵa arnalǵan medısınalyq kómektiń qoljetimdiligin jaqsartý jaıynda, MÁMS júıesiniń tıimdiligin arttyrýǵa qatysty, Prezıdent tapsyrmalarynyń oryndalý barysy týraly baıandady.
Áleýmettik medısınalyq saqtandyrý júıesiniń aýqymyn keńeıtýge, Qordyń qarjylyq turǵydan turaqtylyǵyn qamtamasyz etýge jáne MÁMS-ke qatysty barlyq prosesti jedel sıfrlandyrýǵa baǵyttalǵan keshendi sharalar júzege asyrylyp jatyr. Budan bólek, medısınalyq saqtandyrý júıesiniń qyzmetine qatysty halyqty mazalaǵan ózekti máselelerge nazar aýdaryldy. Qor josparyn iske asyrý barysynda, eń aldymen, naýqasqa jáne onyń medısınalyq kómekke qajettiligin óteýge basa mán beriledi. Qasym-Jomart Toqaev Ábilqaıyr Sqaqovqa áleýmettik medısınalyq saqtandyrý júıesiniń tıimdiligin arttyrýǵa baǵyttalǵan birqatar mindet júktedi.
