«Zellonyń» qyz-jigitteri adasyp ketken qarttardy, túrli sebeptermen úıinen ketip qalatyn jetkinshekterdi ýaqyt joǵaltpaı taýyp berýge jaqsy mashyqtanǵan. Osy arqyly olar qoǵamdyq qaýipsizdikti saqtaýda jergilikti quqyq qorǵaýshylardyń jumysyn jeńildetip júr.
«Bizdiń volonterlik tobymyzdyń áleýmettik paraqshasyndaǵy 70 myńdaı jazylýshy – joǵalǵan jandarǵa izdeý salǵan kezde kómektesetin úlken kúsh. Adamnyń joǵalýy týraly polısııadan habar túsken boıda onyń sýretin, baılanys telefondaryn áleýmettik jelige salamyz. Munymen bir kezde tobymyzdyń qyz-jigitteri ózderi bekitilgen aýdanda izdestirý sharalaryn júrgizedi. Sonyń arqasynda jyl basynan beri habar-osharsyz ketken 150 adamǵa izdeý salyp, kóbin aman-esen taýyp berdik», deıdi izdeý tobynyń uıymdastyrýshysy Ekaterına Golotına.
Oblystyq polısııa departamentiniń basshysy Abaı Júsipov qoǵamdyq qaýipsizdikti qamtamasyz etýge erekshe úles qosyp júrgen 16 eriktini quttyqtady. Marapatqa ıe bolǵandardyń aldyńǵy qatarynda «Zello» izdeý tobynyń belsendileri de bar.
Elimizde keıingi jyldary volonterlik qoǵalys keń jaıylyp, volonterdiń qataryna qoǵamdaǵy kúıip turǵan máselelerge beıjaı qaramaıtyn jastar kóp qosylyp jatyr. Qazir volonter sapynda kásipker, qurylysshy, medısına qyzmetkerleri, ınjener, zeınetkerlikke shyqqan muǵalimder de kóp. Olar kóbine bala tárbıesi, muqtaj jandarǵa qaıyrymdylyq jasaý isinde belsendi.
Aqtóbe oblysy
