Arman Seıitmamyt - ár jyldary «Habar» telearnasynda jańalyqtar júrgizýshisi, «24KZ» arnasynyń shef-redaktory, dırektory, bas prodıýseri, «EL ARNA» telearnasynyń dırektory bolyp qyzmet atqarǵan.
«Eńbek jolyn «Habar» Agenttiginde 1997 jyly tilshilikten bastap, telejúrgizýshi, redaktor sııaqty shyǵarmashylyq satylardan ótti. Ár jyldary agenttiktiń quramyna kiretin «EL ARNA» jáne «Habar 24» telearnalarynyń dırektory qyzmetin abyroımen atqardy. Sonymen qatar ınternet jobalar salasynda da eńbek etip, tájirıbe jınaqtady. Agenttiktiń jaýapty qyzmetterine óz ishimizde jetilgen, salany jaqsy biletin, ujymǵa syıly, bilikti mamandy qoıýǵa basymdyq beriledi. Bul tájirıbe men jańashyldyqty tıimdi úılestire otyryp, jumystyń júıeli júrýine oń áser eteri anyq. Áriptesimiz jańa jaýapty qyzmetinde de jemisti eńbek etip, «Habar» telearnasyn bıik belesterge shyǵarýǵa ózindik úles qosady dep senemiz», dep jazdy Kemelbek Oıshybaev.
