Foto: Turizm jane sport ministrligi
«Ulttyq qurama komandamyz sapaly daıyndalyp, nátıjeli óner kórsetýi úshin sheshýdi talap etetin birqatar uıymdastyrý máseleleri bar. Osyǵan baılanysty, barlyq suraqty jan-jaqty talqylap, ýaqytyly sheshý úshin barlyǵymyz bas qosyp otyrmyz», degen mınıstr elimiz úshin bul – mańyzdy is-sharalardyń biri ekenin, óıtkeni atalǵan Olımpıada ulttyq qurama komandanyń bolashaqta izin basatyn sportshylarymyzdyń áleýetin kórsetetinin atap ótti.
Sondaı-aq Ermek Marjyqpaev Sport jáne dene shynyqtyrý isteri komıtetine Ulttyq Olımpıada komıteti, Sportty damytý dıreksııasy jáne Olımpıadalyq daıyndyq ortalyǵymen tize qosyp, birqatar máseleni sheshýdi tapsyrdy. Naqty ataǵanda, Oıyndarǵa qatysatyn sporttyq delegasııanyń sapaly quramyn qalyptastyrý, uıymdastyrý komıtetiniń talaptaryna sáıkes sporttyq júktemeniń tizbesin pysyqtaý, delegasııa múshelerin jabdyqtaý kestesin bekitý, sportshylardyń daıyndyq barysy men tý ustaýshylardy bekitý jáne taǵy basqa mańyzdy máseleler.
Kanvondodaǵy IV qysqy jasóspirimder Olımpıadasyna Qazaqstan jasóspirimder quramasy qorjynynda ázirge sporttyń 5 túrinen (bıatlon, konkımen júgirý, short-trek, kerlıng, shaıbaly hokkeı) 17 joldama bar. Al jalpy Olımpıadaǵa álemniń 70 elinen 1 800 (950 ul, 950 qyz) sportshy qatysýy kútilip otyr. Sporttyń 7 túrinen 15 dıssıplına boıynsha 81 medal jıyntyǵy sarapqa salynady.
Aıta ketsek, IV qysqy jasóspirimder Olımpıadasynyń ashylý saltanaty 19 qańtarda Kannyn qalasyndaǵy «Gangneuung Oval» sport kesheninde ótse, jabylý saltanaty 1 aqpanda «Gangneung Olympic Park» sport kesheninde uıymdastyrylýy josparlanǵan.
