Aıta keteıik, «NNEF» Public Foundation – bilim berý salasyndaǵy biregeı brend. «NNEF» Public foundation (budan ári – Qor) 1998 jylǵy 15 jeltoqsanda qoǵamdyq qor retinde qurylyp, úzdiksiz bilim berýde «Lifelong learning» júıesin, bilim berýdiń barlyq deńgeılerin qamtıtyn «bóbekjaı – mektep – JOO» biregeı bilim berý úlgisin qalyptastyrǵan.
Qor quryltaıshysy Dınara Qulybaeva «NNEF» qoǵamdyq qorynyń shırek ǵasyrda jetken jetistikterin atap, is-sharaǵa jınalǵan 700-den astam meıman aldynda ǵalymdar, ustazdar men tálimgerlerge, sondaı-aq bilim jáne ǵylym salasyndaǵy jetekshi sarapshylar men Qordyń seriktesterine, ınvestorlarǵa alǵysyn bildirdi.
«Bizdiń pedagogter men dırektorlarǵa, mekteptegi, balabaqshadaǵy eńbek etip júrgen oqytýshylarǵa, ýnıversıtetterdiń basshylaryna, bilim berý uıymdarymyzda qyzmet etip júrgen ár saladaǵy mamandarǵa isimizdi alǵa órletýge qosqan úlesteri úshin alǵysymdy bildiremin. Árıne, bizdiń jobalarymyzdy qoldap otyrǵan, naǵyz istiń adamy, mesenat Tımýr Asqaruly Qulybaevqa alǵysymdy aıtqym keledi», dedi Dınara Qulybaeva.
Qorǵa qarasty Astana, Almaty jáne Atyraý qalalarynda «Mıras» bóbekjaılary; Astana men Almatydaǵy «Mıras» halyqaralyq mektepteri, Almaty qalasyndaǵy halyqaralyq mektebi (AHM), «Arystan» mamandandyrylǵan lıseıi orta bilim berýde úzdikter qatarynda. Al joǵary bilim berý baǵytynda K.Á.Saǵadıev atyndaǵy Halyqaralyq bıznes ýnıversıteti (UIB), Halyqaralyq aqparattyq tehnologııalar ýnıversıtetiniń (HATÝ), Astana IT ýnıversıteti (AITU), Qazaqstan-Brıtan tehnıkalyq ýnıversıteti (QBTÝ) jáne Almaty energetıka jáne baılanys ýnıversıteti (AEjBÝ) eldegi jetekshi tehnıkalyq joǵary bilim beretin irgeli oqý ordalary atanǵan.
Aýqymdy jobalardy qolǵa alyp, tyń ıdeıalardy júzege asyryp otyrǵan Qordyń bilim berý mekemelerinde búginde 31 325 jas órken bilim alýda, al osy mekemelerde jas urpaqqa bilim berýge 6 000-nan astam bilikti pedagogter men oqytýshylar eńbek etýde.
«Halyqaralyq konferensııalar men semınarlarǵa qatysyp, sheteldik muǵalimderdi jaldap, bilim berýdegi halyqaralyq standarttardyń erekshelikterin zerttedik. Olardy beıimdeýge tyrystyq. Osylaısha, bizdiń Qor quryldy. Qazaqstanda biregeı ınnovasııalyq bilim berý baǵdarlamalarynyń qalyptasýy ońaı bolǵan joq. Búgingi tańda bizdiń Qor joǵary oqý orny, orta bilim berý jáne mektepke deıingi bilim berýdi qamtyǵan óz aldyna úlken bir álem. Balalarǵa ártúrli salada ózderin synap, qaı baǵyttyń ózderine laıyqty ekenin túsinýi úshin barynsha qolaıly jaǵdaıdy jasap, ony qamtamasyz etý basty maqsatymyz», dedi «NNEF» qoǵamdyq qorynyń dırektory Dınara Qulybaeva.
«Bizdiń bilim berý júıemizdiń biregeı qoltańbasy bar», deı kele Qor basshysy IB School eýropalyq assosıasııasynyń burynǵy basshysy Maıkl Meıberrıdiń «sizderdiń bilim berý júıelerińizdiń halyqaralyq deńgeıde ózindik qoltańbasy bar» degen sózin eske alyp, shırek ǵasyrda Qordyń qalyptastyrǵan baǵdarlamasy halyqaralyq ortada joǵary baǵaǵa ıe ekenin atap ótti.
Aıta keteıik, 2012 jyly el Úkimetiniń qaýlysymen Qordyń úsh mektebine resmı túrde «halyqaralyq mektep» mártebesi berilgen. Osy aralyqta «Mıras» mektepterinde 45 elden stýdentter bilim alsa, álemniń 40 elinen mamandar eńbek etken. Jalpy, Qor 25 jylda bilim berý úderisine Project-Based Learning (PBL) jobaǵa baǵyttalǵan oqytýdyń biregeı ádisin sátti engizip, sıfrlyq jáne ınteraktıvti tehnologııalar paıdalanyp, ıkemdi oqytý ortany damytýǵa mán berip, ár oqýshynyń jeke qajettiligine beıimdelgen baǵdarlamalar ázirlep, oqýshylardyń jetistikterin baǵalaýdyń júıesin engizgen.
Qorǵa qarasty bilim berý ordalarynyń barlyǵy halyqaralyq ortada óz ornyn alyp, ony halyqaralyq akkredıtasııalar men joǵary reıtıngterge qol jetkize otyryp dáleldep shyqqan.
«Mıras» mektebiniń túlekteri álemniń eń úzdik ýnıversıtetterine túsýi – bul bizdiń durys jolda ekenimizdiń kórsetkishi! «NNEF» qoǵamdyq qorynyń barlyq joǵary oqý oryndary Qazaqstan ýnıversıtetteri arasynda ulttyq reıtıngte joǵary oryndarǵa ıe. Bizdiń mektepterimiz ben ýnıversıtetterimiz halyqaralyq deńgeıde moıyndalǵan – bul joǵary bilim salasyndaǵy IAAR, ABET, AQA, ASIIN halyqaralyq akkredıtasııalar men joǵary reıtıngter», dedi Dınara Qulybaeva.
Bilim sapasyna erekshe kóńil bóletin Qor áleýmettik qoldaýdy da qolǵa alǵan. «Mıras» halyqaralyq mektepterinde oqýǵa túsý granttaryna jyl saıyn baıqaý ótkiziledi. Osy baıqaýdy ótkizgen 3 jyl ishinde elimizdegi orta bilim beretin mektepterden 9-10 synyptarynyń 360-tan astam oqýshysy qatysqan. «Mıras» mektepterine kelesi oqý jylyna «Halyq» qaıyrymdylyq qorynyń 100% grantyn 13 stýdent ıelense, «NNEF» qorynyń 50% jáne 30% granttaryn 41 oqýshy ıelengen.
Al «Arystan» mamandandyrylǵan lıseıinde áskerı mamandyqty tańdaǵan daryndy balalarǵa úıirmeler men sport seksııalarynda oqytý, kadetterdiń turatyn jeri, tamaqtanýy, kıim-keshegi, jalpy lıseıshilerdiń bilim alýy tegin negizde júzege asyrylady. Lıseıge oqýǵa qabyldaý kezinde áleýmettik jaǵynan qoldaýdy qajet etetin otbasylardyń jáne kópbalaly otbasylardyń balalaryna basymdyq beriledi.
Aıta keteıik, jastarǵa jan-jaqty qoldaý kórsetý, oqý oryndarynyń tehnıkalyq jabdyqtalýy, halyqaralyq standarttarǵa saı bilim berý baǵdarlamalary joǵary oqý oryndarynda da basymdyq berilgen baǵyt.
Aıtalyq, bes jyl buryn Qor óz aldyna elimizdiń sıfrlyq damýyna óz úlesin qosý maqsatyn qoıǵan. Osy aralyqta Qordyń joǵary oqý oryndaryn támamdaǵan 2000-nan astam bilikti IT-maman el ekonomıkasyndaǵy ártúrli salada eńbek etýde.
Elimizdegi bilim berý salasyna Qordyń aıtarlyqtaı úles qosyp otyrǵanyn Qazaqstan-Brıtan tehnıkalyq ýnıversıtetiniń rektory Maratbek Gabdýllın de atap ótti.
«Qorǵa qarasty Qazaqstan-Brıtan tehnıkalyq ýnıversıteti - Ortalyq Azııadaǵy eń úzdik ýnıversıtetterdiń biri. Búgingi tańda Qor joǵary oqý oryndarynyń alıansyn damytýǵa at salysyp otyr. Birinshi kezekte bul 5 ýnıversıtet – QBTÝ, MÝIT, Astana IT ýnıversıteti, UIB jáne AÝES. Barlyǵyn biriktirsek, barlyq sala, barsha mamandyq qamtylady. Bilim berýdi joǵary satyda damytý barlyq baǵyttar boıynsha júrip jatyr», deıdi QBTÝ rektory Maratbek Gabdýllın.
Astana IT-ýnıversıteti rektorynyń mindetin atqarýshy Serik О́mirbaev «NNEF» qoǵamdyq qory mektepke deıingi bilim berý deńgeıinen bastap orta, joǵary jáne joǵary oqý ornynan keıingi bilim berýdi aıaqtaıtyn jobalardy iske asyra otyryp, jalpy ulttyq bilim berý júıesiniń damýyna eleýli úles qosqanyn atap ótti.
«Jobalardyń barlyǵy sátti. Mysaly, «Mıras» mektebi halyqaralyq bakalavrıat baǵdarlamasyn júzege asyrady. Bul jobany júzege asyratyn Qazaqstandaǵy jalǵyz jalpy bilim beretin mektep. Al joǵary bilim berýge keletin bolsaq, munda Qordyń úlesi óte mańyzdy. Atap aıtqanda, Qordyń qoldaýymen búgingi tańda túrli baǵyttar boıynsha kadrlar daıarlaıtyn 5 ýnıversıtet jumys isteıdi. Qordyń bizdiń ýnıversıtettiń damýyna qosqan úlesi óte mańyzdy dep sanaımyz. О́ıtkeni damýdyń bastapqy kezeńinde úlken ınvestısııalyq qoldaý qajet ekeni belgili. Qor qabyldaǵan ınvestısııalyq sheshimderdiń arqasynda bizdiń ýnıversıtette Fab-Lab, mıkroelektronıka, jasandy ıntellekt, robototehnıka zerthanalary sııaqty zamanaýı zerthanalar ashyldy. Sonymen qatar, ýnıversıtette IT-vendorlarymyzdyń mamandandyrylǵan zerthanalary jumys isteıdi: Cisco, Huawei, Microsoft - bizdiń stýdentter men oqytýshylarǵa sertıfıkattalǵan kýrstar usynady», dedi Serik О́mirbaev.
Jalpy shırek ǵasyr ishinde birneshe iri ǵylymı jobalar jáne ınnovasııalyq ıdeıalar júzege asty, Qordyń alda atqarar jobalary barshylyq. «NNEF» qoǵamdyq qorynyń strategııasy búgingi tańda álemdik trendterge jaýap beretin ınnovasııalyq bilim berý ekojúıesin damytýǵa baǵyttalǵan.
«NNEF» qoǵamdyq qorynyń 25-jyldyǵyna oraı ótkizilgen is-sharada osy jolda júzden júırik atanǵan ǵalymdar men ustazdar, tálimgerler 9 nomınasııa boıynsha marapatqa ıe boldy.
