Sheberlikte shek bolmaıdy

«El ishi – óner kenishi» demekshi, sheberligimen talaıdy tamsandyrǵan ónerpazdar jer-jerde bar. Olardyń buıymdaryn kópke usynyp, eńbekterin baǵalaý búginde kenjelep qaldy. Kór­kemóner – sulýlyqtyń sımvoly emes pe? О́kinishke qaraı, naǵyz ónerli adamdar tasada qalyp qoıady. Olardyń eńbegin elep, qaıtalanbas shyǵarmalaryn nasıhattaý el úshin mańyzdy. Osyny eskergen «Jetisý ólketanýshylar ortalyǵy» qoǵamdyq birlestiginiń bastamasymen Taldyqorǵanda uıymdastyrylǵan halyq­aralyq kórme jańa esimderdi elge tanytýǵa múmkindik beredi.

 О́ner dodasyna Reseı, Túrkııa, TMD el­deri jáne respýblıkadaǵy bi­lim sha­ńy­­raqtarynyń kórkem eńbek pániniń ustazdary qatysty. Is-sharada shet­eldik, ulttyq beıneleý, sán jáne qol óneriniń týyndylaryn kópshilik nazaryna usynyp, óner salasynyń damý deńgeıi, baǵyt-baǵ­dary jaıynda mamandarmen, óner­tanýshylarmen, sheberlermen pikirlesti.

Sheberler týyndylaryn qatar qoıyp, jetisýlyqtarǵa tanystyrdy. Biri­­nen-biri ótken qundy dúnıeler kózdiń jaýyn alyp, tańdaı qaqtyrady. Taldy­qorǵandaǵy №10 orta mektep usta­zy Talǵat Súleımenovtiń tasqa salǵan sý­retteri kópti súıindirdi. Ol maıly boıaý­men kishkentaı tastarǵa tabıǵattyń, ań-qustyń beınesin ádeptegen.

«Keıbireýler úıiniń jan-jaǵyn kórkemdeý úshin tastarǵa sýret salyp berýimdi ótinedi. Erekshe ádemi kórinedi. Buǵan úlken yjdaǵattylyq kerek. Kishkentaı bólikterin salý qıynǵa soǵady. Biraq óner degen sonysymen qundy, baǵaly. Árbir tastyń energııasyn seziný qajet, sonda shyǵarmańyz da kórkem bolady. Naǵyz óner qıynnan qıystyrýdy, úılestirýdi, uıqasty, túske mán berýdi, ádemilikti talap etedi», deıdi T.Súleımenov.

О́nerpaz osy kúnge deıin mundaı halyqaralyq kórmege qatysyp kór­megen. О́nerin synǵa salatyn osyndaı rýhanı báıgeler buryn-sońdy qalada bolmaǵan. Búgin bar týyndysyn el aldyna shyǵaryp, qurmet-qoshemetke bólenip otyr. Osyndaı múmkindik syılaǵan uıymdastyrýshylarǵa rıza.

«Jetisý ólketanýshylar ortalyǵy» qoǵamdyq birlestigi uıymdastyrǵan sharaǵa oblystyq bilim basqarmasy, sondaı-aq mádenıet, arhıvter jáne qujattama basqarmasy qoldaý kórsetken. Ulttyq qundylyqtardy dáripteý, qyl­qa­lam sheberleriniń basyn qosý, ony jas urpaqqa úlgi etý quptarlyq is. Rý­hanı sharaǵa júzden asa týyndy kelgen. Uıym­dastyrýshylardyń aıtýynsha, ótinish bildirgender budan da kóp bolǵan eken.

«Tuńǵysh ret uıymdastyryp otyr­ǵandyqtan qalaı ótedi degen qobaljý da bolǵany ras. Qolónershiler kelmeı qalsa qaıtemiz degen de qorqynysh boldy. Biraq respýblıkanyń túkpir-túkpirinen kelýge nıet bildirgender habarlasa bastaǵanda kúmánimiz seıildi. Sońynda mynansha dúnıeni qaı jerge syıdyramyz dep alańdadyq», deıdi birlestiktiń tóraǵasy Qajet Andas.

Sharaǵa kelýshilerdiń kóńil kúıi joǵary. Bári bir-birimen tanysyp, bili­sip, ónerleriniń syry týraly aıtyp, shúıirkelesip qaldy. «Júırikten júırik ozar jarysqanda» demekshi, munda kil júırikterdiń ishinen sýyrylyp shyqqan myqtylaryn anyqtaý ońaıǵa soqqan joq. Qazylar alqasy biraz ýaqyt ter tókti. Bura tartý bolmady.

Qolónershiler Shynar Temirálına bala kúninen ájesiniń qasynda otyryp, oıý oıyp, qýyrshaqtarǵa kıim tikken. 12 jasynan bastap, eresek adamdarǵa bas kıim, qolǵap toqýdy úırenipti. Búginde kórkem eńbek páninen sabaq beredi. «Jetisý óneri» kórmesine arnaıy Aqtóbe oblysynan kelgen.

«Jetisý jerine kelgenime qýanysh­tymyn. Áriptesterimmen tanysyp, aldaǵy kúnderge jospar qurdyq. Bir­­lesip atqaratyn sharalar jaıly aqyl­dastyq. О́nerimizdi damytý joldaryn oılastyryp, atqarar jumys­tardy bir pysyqtap óttik. Jumysyn osyndaı aýqymdy sharadan bastaǵan qoǵamdyq birlestiktiń isine sáttilik tileı­min. Jaqsy istiń qanat jaıatynyna senim mol», deıdi qolóner sheberi Sh.Temirálına.

Kórmege qatysýshylardyń bárine arnaıy alǵys hat tapsyrylyp, barlyq jeńimpazǵa estelik syılyq berildi.

Jetisý oblysy