Qanatqaqty jobaǵa qatysady

Investısııalyq jobalar mal sha­rýa­shylyǵyn aýqymdy damytýdyń keń spektrin qamtıdy: 2,5 myń mal basyna arnalǵan asyl tuqymdy mal sharýa­shy­lyǵyn, 5 myń basqa arnalǵan mal bor­daqylaý alańyn qurý jáne qaıta óńdeý («Olja Agro» JShS, Qostanaı oblysy), 100 myń basqa arnalǵan mega iri bor­daqylaý alańyn salý, 1,2 gektar jerdi sýarý («Terra» JShS, Batys Qazaqstan oblysy), et kombınatyn jańǵyrtý jáne bıogaz, elektr energııasy, tyńaıtqyshtar óndirý boıynsha jasyl tehnologııalardy engizý («Qarasý Astyq» JShS, Qostanaı oblysy), mal azyǵy daqyldaryn ósirý, óndirý, mal bırjasyn jáne qaldyqtar­dy tereń óńdeıtin et kombınatyn salý («Qaıyp ata» JShS, Túrkistan oblysy) Jetisýda jańa mal bordaqylaý alańdaryn salý jáne qoldanystaǵy bordaqylaý alań­daryn keńeıtý («Qaıyńdy» JShS).

Qanatqaqty jobanyń birinshi kezeńin­de aýyl sharýashylyǵy men qatysýshy nysandardyń jaı-kúıine egjeı-tegjeı taldaý jáne aýdıt júrgizý, ıaǵnı qolda bar resýrstardy, aǵymdaǵy qyzmetti, damý josparlaryn baǵalaý jáne olardyń árbir kásiporyn úshin qanshalyqty tıimdi ekenin anyqtaý kózdeledi. Bul máselede otandyq fermerlerge halyqaralyq mamandar toby kómektesedi.

Ekinshi kezeńde árbir jobany da­my­týdyń qarjylyq modeli men bıznes-jos­paryn ázirleıdi. Al úshinshi kezeńde ony júzege asyrýǵa kirisedi. Qanatqaqty jobaǵa qatysýshylardyń keıbiriniń aýstralııalyq tehnologııalarmen jumys isteý tájirıbesi bar ekenin eskere otyryp, nysandardyń qurylysyn 2024 jyldyń kókteminde bastaý josparlanyp otyr.

Qazirgi tańda Aýyl sharýashylyǵy mı­nıstrligi etti mal sharýashylyǵyn damytý­dyń úshjyldyq kezeńine arnalǵan jol kartasyn ázirlep jatyr. Qujatta mal basynyń ortasha táýliktik salmaǵyn art­tyrýǵa jáne joǵary salmaq standarttaryna qol jetkizý merzimin qysqartýǵa yqpal etetin zamanaýı tehnologııalardy qoldaný negizinde qazirgi zamanǵy eks­portqa baǵyttalǵan et kombınattary men iri qara mal ósirýge arnalǵan bor­da­qy­laý alańdaryn qurý jónindegi sharalardy engizý josparlanyp otyr.

Otandyq kásiporyndar bazasynda mal sharýashylyǵyn júrgizýdiń aýstralııalyq ádisin engizý boıynsha qanatqaqty joba – atalǵan qujattyń bir tarmaǵy.