Jańa ekonomıkalyq úlgige kóshý barysy

Máýlen Áshimbaev Mem­leket basshysy Qasym-Jomart Toqaevtyń bastamasymen eldi jańǵyrtý baǵytynda keshen­di reforma júzege asyry­lyp jatqanyn atap ótti. So­nyń nátıjesinde saıa­sı júıe teń­gerimdi, ashyq jáne demo­kratııalyq turǵydan nyǵaıa tústi. Qazirgi tańda eldiń aldynda turǵan basty mindetterdiń biri –damýdyń jańa ekonomıkalyq úlgisin qalyptastyrý.

«Prezıdentimiz Qasym-Jomart Kemeluly Toqaev 2029 jylǵa qaraı ulttyq ekono­mıkanyń kólemin eki ese ulǵaı­typ, 450 mlrd dollarǵa jetkizýdi maqsat etip belgilep berdi. Bul rette ósý negizinen óńdeýshi ónerkásipti jáne ekonomıkanyń tehnologııalyq sektorlaryn damytý esebinen bolýǵa tıis. Parlament júrgizilip jatqan reformalardy iske asyrýda mańyzdy ról atqaratyny anyq. Bizdiń negizgi mindetimiz – barlyq ózgeristi zańnamalyq turǵydan qamtamasyz etý», dedi M. Áshimbaev.

Sondaı-aq ol Senattyń saıası jáne áleýmettik-ekonomıka­lyq refor­malardy iske asyrý jó­nin­degi qyzmetine toqtaldy. Eki jyl ishinde senatorlar adam qu­qyq­­taryn qorǵaý júıesin ny­ǵaı­­týǵa, azamattardyń ómir súrý deńgeıin odan ári artty­rý­ǵa jáne Qazaqstannyń úde­meli eko­no­mıkalyq damýyna baǵyt­­t­alǵan 170-ten asa zańdy ma­­qul­dady. Aldaǵy ýaqyt­ta ın­­­vestorlarǵa qolaıly jaǵ­daı ja­­saý­dy kóz­deıtin jańa Bıýd­jet jáne Salyq kodeksteri qabyldanady.

M.Áshimbaev Qazaqstan óńdeý ónerkásibi, tolyq sıkl­di metallýrgııa, mashına jasaý, agroónerkásiptik sektor jáne basqa da salalarda sheteldik ınvestısııany tartýǵa múddeli ekenin tilge tıek etti. Palata spıkeri barlyq baǵyt boıynsha, onyń ishinde áleýmettik salada ınklıýzıvti damýdyń mańyz­yna da nazar aýdardy.

«Qazaqstan búginde ashyqtyq qaǵıdattaryn ustanady. Sondaı-aq ekonomıkalyq, saıası, mádenı-gýmanıtarlyq jáne basqa da salalarda ózge eldermen jan-jaqty yntymaqtastyqty bel­sendi damytyp keledi. Dıplo­ma­tııalyq bıznes klýby osy baǵyt­taǵy mindetterdi iske asyrýǵa óz úlesin qosady dep senemin», dedi Senat tóraǵasy.

Kezdesý kezinde Syrtqy ister mınıstriniń orynbasary Álibek Baqaev, Klýbtyń teń tóraǵasy Islambek Saljanov, «Atameken» UKP Tóralqa tóraǵasy Raıym­bek Batalov, YPO Kazakhstan-nyń tóraǵasy Qanat Kópbaev jáne taǵy basqa qatysýshylar sóz sóılep, baıandama jasady.

Aıta keteıik, Dıplomatııa­lyq bıznes klýby 2015 jyly Qazaqstannyń Syrtqy ister mınıstrligi men «Atameken» UKP-nyń bastamasymen quryl­ǵan. Onyń negizgi maqsaty – shetel­dik dıplomatııalyq kor­pýs­tyń Qazaqstannyń bıznes-qaýymdastyǵymen saýda-ekono­mıkalyq, bilim jáne ǵylym, má­denıet salalaryndaǵy ózara is-qımylyn damytyp, nyǵaı­tý úshin beıresmı alań qurý. Klýbqa elde akkredıttelgen shet memleketterdiń dıp­lo­ma­tııalyq mıssııalarynyń, halyq­aralyq uıymdardyń, mem­le­kettik organdar men kvazı­mem­lekettik mekemelerdiń jáne ult­tyq kompanııalardyń bas­shy­lary, YPO Kazakhstan mú­she­leri, Qazaqstandaǵy shet mem­le­ket­terdiń qurmetti konsýldary, sondaı-aq, respýblıkanyń bıznes-qaýymdastyǵynyń kósh­basshylary múshe.