Atalǵan mektepterde táýelsizdik merekesin ulyqtaýmen qatar, mektep oqýshylaryna ulttyq dástúrdi nasıhattaý maqsatynda osyndaı ıgi is-shara uıymdastyrylǵan.
Bıyl kúıshiler sherýine mekteptiń «Qos perne» dombyrashylar ansamblinen quralǵan 120 kúıshi qatysty. Jas dombyrashylar halyq kúılerinen popýrrı, «Torjorǵa», «Erke sylqym» sekildi kúılerdi oryndap, kórermenderdi erekshe áserge bóledi.
– Halqymyzdyń mádenıeti men mýzykasyn dáripteý, óskeleń urpaqty ulttyq qundylyqty ulyqtaýǵa tárbıeleýdegi bul is-sharanyń mańyzy zor ekendigin aıtqym keledi. Nazarbaev Zııatkerlik mektepteriniń qosymsha bilim berýdi damytýdyń 2030 jylǵa deıingi konsepsııasy negizinde 7-synyptar úshin dombyra sabaǵy mindetti túrde ótkiziledi, – dedi mektep dırektory Rınat Nurlanuly.
Halqymyzdyń uly muralarynyń ıesi – jastar, olar qasterlegen qundylyqtary máńgi jasaı bermek.
Mańǵystaý oblysy
