Konsert aldynda Qazaqstannyń Ystanbuldaǵy bas konsýly Nurıddın Amanqul orkestr dırektory Saltanat Maqsot pen orkestrdiń kórkemdik jetekshisi Ashat Hasanovty qabyldady. Al konsertke Zeıtinbýrny aýdanynyń ákiminiń birinshi orynbasary Osman Dınch, Qazaqstannyń Ystanbuldaǵy bas konsýly Bekaıdar Sary, doktor Aadem Ýslý, Doktor Reshıde Iýksel, Zeıtinbýrny qoǵam birlestiginiń bastyǵy Dilman Qaıa, Túrki mýzyka ónerin zertteýshi, dombyrashy Sedat Solakoglý, Shyǵys Túrkistan mıgranttar odaǵynyń tóraǵasy Rejep Akol jáne t.b túrik ókilderi men qandastar qatysty.
Konserttik is-sharada «Kameralyq orkestrge arnalǵan kúı», Abaı Qunanbaıulynyń «Kózimniń qarasy», Nurǵısa Tilendıevtiń «Ata tolǵaýy» atty shyǵarmalary orkestrdiń oryndaýynda kórermenge usynyldy. Sondaı-aq Batys Qazaqstan oblysynyń óner juldyzdary shyrqaǵan ásem áýender kópshilik kóńilinen shyqty.
«Batys Qazaqstan oblystyq kameralyq orkestriniń konserti maǵan óte unady. Meniń ultym qazaq bolǵanymen, Túrkııada óstim. Eki el arasyndaǵy yntymaqtastyqtyń kepili – el prezıdentteri Qasym-Jomart Toqaev pen Rejep Taııp Erdoǵannyń denine zor densaýlyq tileımiz! Kók baıraǵymyz jelbireı bersin!», deıdi doktor Rashıda Iýksel.
Ystanbuldaǵy qazaq dıasporasynyń ókili Turan Bahadyr bul shaharda 15-20 myńdaı qazaq bar ekenin aıtyp, «Mundaı konsertter jıirek bolsa eken. Shette júrgen qazaqtar óz mádenıetin kóredi. Sol úshin kerek qoı. О́ner – jan azyǵy, kesh keremet boldy», degen pikirin bildirdi.
Batys Qazaqstan oblysy
