Foto: Ashyq derekkóz
«Osy jyldyń jeltoqsan aıynda Sybaılas jemqorlyqqa qarsy qyzmet qabyldaǵan sharalardyń nátıjesinde Qaırat Satybaldyulynyń jalpy somasy 120 mln AQSh dollary, ıaǵnı 55,4 mlrd teńgeden asatyn aqshalaı qarajatyn qaıtardy. Bul qarajat memleketke keltirilgen zalaldy óteý esebine respýblıkalyq bıýdjetke jiberildi», delingen habarlamada.
Sybaılas jemqorlyqqa qarsy qyzmet sońǵy 2 jylda bıýdjetke jáne kvazımemlekettik sektor sýbektilerine 912 mlrd teńgeden astam somaǵa múliktik aktıvter men aqshalaı qarajatty qaıtarýdy qamtamasyz etti. Olardyń qataryna ákimshilik ǵımarattar, eksklıýzıvti zergerlik buıymdar, sándi úıler, páterler men avtomobılder, aksııalar men kompanııalardaǵy úlester, temirjol joldary men aqsha qarajattary, sonyń ishinde shetelden alynǵan qarajattar kiredi.
Aıta keteıik, zańsyz shyǵarylǵan aktıvterdi qaıtarý boıynsha jumystar áli de jalǵasady.
