Ol týǵan jeriniń Qaraǵandy oblysynyń Shahtınsk qalasy, úıde jeti aǵaıyndy ekenderin atap ótken. О́zi ata-anasynyń tuńǵyshy eken.
- Ákem partııa qyzmetkeri boldy. Anam bizdiń tárbıemen aınalysty. Bizdiń áýlet óńirge tanymal boldy. Qazbek Ashlıaev degen bokser shyqqan. Sol arqyly bizdiń áýletti el-jurt tanyp aldy. Árkimniń týǵan jeri ystyq. Degenmen Eskendir ekeýmizdiń alǵash tanysqan qalamyz retinde saǵynamyn. Sol qalada jastyq shaǵymyz ótti. Meniń anam bizdiń kishkentaı kezimizdegi fotolardy kóziniń qarashyǵyndaı saqtady. Anamnyń aldynda otyrǵan fotom áli kúnge deıin bar. Men de Birjannyń kishkentaı kúnindegi fotolaryn saqtap júremin. Ákesi Birjan týǵanda “Aıym bolyp týdyń ba?” ánin shyǵardy. Elge taralyp ketken vıdeoda ákesi án aıtyp otyr, Birjan dırıjer bolyp bılep otyr, – dep kózine jas aldy.
Sondaı-aq ánshi ákesinen qoryqqanynan Eskendirdiń konsertine barǵanyn da aıtyp qaldy.
- Qaraǵandyda ataqty kompozıtor, ánshi kele jatyr, konsert beredi dep barlyǵy shýlady. Ákem meniń sol konsertke barǵanymdy qatty qalady. Al men ol kezde Máskeýde oqıtynmyn. Jolǵa jınalyp jatqan edim: “Aınalaıyn, Darıko, osy konsertke barshy” dep ákem turyp aldy. Ol kisi óz aıtqanyn istetpeı qoımaıtyn, qatal kisi edi. Qazir oılap qarasam, eger ákem sol konsertke meni jibermegende Eskendir aǵalaryńmen tanysa almaı qalatyn ba edim. Sondyqtan ákeme árqashan raqmetimdi aıtyp otyramyn, – dep eske aldy marqumnyń jubaıy.
