– Keıingi jyldary Syr óńirinde boı kótergen jańa zamanaýı nysandar aýdan ortalyqtary men qala sáýletiniń, turǵyndardyń ómir sapasynyń artýyna qyzmet etip keledi. Búgin Jalaǵashta jańa baspanaǵa qol jetkizgen 50 otbasynyń qýanyshyn sezinip turmyz. Bul – turǵyndardyń turmys-tirshiligin jaqsartýǵa baǵyttalǵan qoldaýdyń naqty kórinisi, – dedi aımaq basshysy.
Eńbek ardageri Ábilqaıyr Erálıev jańa baspanaǵa qol jetkizgen turǵyndardy quttyqtap, bata berdi. Búginde Syr óńirinde 4170 páterlik 300 turǵyn úıdiń qurylysy júrgizilýde.
Osy kúni aýdandaǵy Myrzabaı ahýn aýylynda dárigerlik ambýlatorııa men kentte temirjol kópiri ústinen ótetin jaıaý júrginshiler joly qoldanysqa berildi. Jyl sońyna deıin Alamesek aýylyndaǵy medısına mekemesiniń ǵımaraty paıdalanýǵa berilip, kelýshilerdi qabyldaı bastaıdy. Keler jyly Qaraketken aýylynda feldsherlik-akýsherlik beket qurylysy bastalady.
Qyzylorda
