Foto: gov.kz
«Daryn» syılyǵy 1992 jyldan bastap daryndy jastardy ǵylymı, shyǵarmashylyq jáne sporttaǵy joǵary jetistikteri úshin memlekettik qoldaý maqsatynda taǵaıyndalǵan. Ár jyldary túrli saladaǵy 320-dan astam azamat atalǵan syılyqty ıelengen bolatyn.
Bıyl memlekettik organdar men qoǵamdyq birlestikter 340-tan asa kandıdatty usyndy. Onyń ishinde 110 - «ǵylym», 21 - «Dızaın jáne beıneleý óneri», 27 - «Sport», 49 - «Teatr jáne kıno», 12 - «Estrada», 10 - «Jýrnalıstıka», 28 - «Halyq shyǵarmashylyǵy», 32 - «Kreatıvti bastamalar», 28 - «Ádebıet», 30 - «Klassıkalyq mýzyka». О́tinimniń 9-y «Daryn» memlekettik jastar syılyǵyn berý jónindegi qaǵıdalardyń talaptaryna sáıkes kelmedi.
О́tinimderdi irikteý boıynsha otyrystar 11-15 jeltoqsan aralyǵynda ótti. Komıssııa quramyna túrli salalarda eleýli tabystarǵa qol jetkizgen 37 belgili tulǵa kirdi.
«Úmitkerlerdiń jetistikteri men jumystary jan-jaqty saralandy. Árqaısysyna negizdelgen sheshim qabyldandy. 11 júldegerdiń óńirlerden kelgenine qýanyshtymyn. Bul jastar úshin úlken yntalandyrý. Ozyq oıly jastardyń laıyqty ókilderi áli de az emes. Biz qoǵamymyzdyń jáne tutastaı elimizdiń damýyna úles qosyp júrgenderdi qoldap, yntalandyrýymyz kerek», dedi mınıstr.
Jeńimpazdarǵa «Daryn memlekettik jastar syılyǵynyń laýreaty» ataǵy jáne dıplom, tósbelgi men aqshalaı syılyq 22 jeltoqsanda ótetin saltanatty marapattaý rásiminde tabystalady.
Bıyl syılyqty berý erejelerine túzetýler engizildi. Atap aıtqanda, qatysýshylar 35 jasqa deıin ulǵaıtylyp, «Qoǵamdyq qyzmet» nomınasııasy «Kreatıvti bastamalar» bolyp aýysty. Nomınasııa kreatıvti ındýstrııa salasyn damytýǵa memleket tarapynan erekshe nazar aýdarýǵa baılanysty ózgeriske tústi. Osy baǵytty yntalandyrý óńirlerdegi bastamalarǵa júıeli túrde nazar aýdarýǵa, túrli jobalardy anyqtaýǵa jáne olardy kótermeleýge, eń úzdik ıdeıalardy iske asyrýǵa múmkindik beredi. Kreatıvti bastamalarǵa aqparat, memleket pen azamattyq qoǵamnyń ózara is-qımyly, memlekettik jastar jáne otbasy saıasaty, qaıyrymdylyq, volonterlik qyzmet salalaryndaǵy jetistikter jatady.
