Foto: gov.kz
Qarýly kúshter Bas shtabynyń Uıymdastyrý-jumyldyrý jumysy departamentiniń bastyǵy general-maıor Baýyrjan Artyqov jaýyngerlerdiń súıekterin izdeýge belsendi qatysqandardyń barlyǵyna alǵysyn bildirdi.
«Qazaqstannan surapyl soǵysqa mıllıon 200 myń azamat attanyp, olardyń 600 myńnan astamy maıdan dalasynda qaza tapty. Qazaq jaýyngerleriniń erlikteri qazirgi Otan qorǵaýshylar úshin ór rýhtyń, myzǵymas batyldyqtyń, shynaıy janqııarlyq pen Otanǵa degen súıispenshiliktiń úlgisi», dedi ol.
Reseılik izdeýshiler jumysynyń nátıjesinde 80 jyldan asa ýaqyttan soń qyzyl áskerler – Sılan Mámetov (1912 jyly týǵan, Qyzylorda oblysy Qazaly aýdanynyń týmasy), Qadirbek Dáýletqulov (1922 jyly týǵan, Jambyl oblysy Merki aýdanynyń týmasy) jáne Kısym Ádıevtiń (1911 jyly týǵan, Gýrev oblysy Gýrev qalasynyń týmasy) súıekteri elge jetti.
«Olardyń erlik joly kitaptarda, ánderde, eskertkishterde, memorıaldarda, murajaı jádigerlerinde jazylyp qaldy, esimderimen kósheler atalady. Esh umytylǵan joq. Izdeýshilerge osyndaı asyl mıssııany murat etkeni úshin rızashylyǵymyzdy bildiremiz», dep atap ótti «Atamnyń amanaty» QB tóraǵasy Murat Moldaǵalıev.
144 atqyshtar dıvızııasynyń qyzyl áskeri Sılan Mámetov 1941 jyly qaza tapty. Onyń súıegin «Eho voıny» izdeý jasaǵy Máskeý oblysy, Rýzsk aýdany, Apalshıno aýylynyń mańynan tapty. Qadirbek Dáýletqulovty Orlov oblysy, Trosnıansk aýdany, Mýravl aýylynan «Zastava sv. Ilı Mýromsa» jasaǵynyń izdeýshileri tapty. 1942 jyly habar-osharsyz ketken Kısym Ádıev Smolensk oblysy, Temnınsk aýdany, Batıýshkovo aýylynyń janyndaǵy shatqaldan tabyldy.
Sılan Mámetovtyń týystary tabylmady. «Atamnyn Amanaty» QB izdeýshileri sarbaz Qısym Ádıevtiń Atyraý qalasynda turatyn týystaryn tapty. Astanaǵa Jambyl oblysynan Qadirbek Dáýletqulovtyń inisinen taraǵan shóberesi – Ernur Nametqul keldi.
«Atam Qadirbek Dáýletqulov 1941 jyly maıdanǵa attanǵan eken. О́kinishke qaraı, otbasyn qurmaǵan kezinde ketipti. Osy jyldar ishinde atamdy kóp izdedik. Ol shekarashy bolyp, Kýrsk doǵasynda qaza tapqany anyqtaldy. Búkil otbasymyzdyń atynan Qorǵanys mınıstrligi basshylyǵyna, barlyq izdeýshilerge, osyndaı amanatty abyroımen atqaryp júrgenderge, aýqymdy jumystary úshin zor alǵysymdy bildirgim keledi», dedi ol.
Izdeýshiler sonymen qatar qyzyl ásker sarbazdarynyń qujattaryn, kaskalaryn, metall saptyaıaqtaryn, saper kúrekterin, túımelerin jáne ózderine tıesili jeke zattaryn týystaryna berdi.
Jaýyngerlerdiń súıekterin qaıta jerleý áskerı qurmetpen ózderi týǵan óńirlerde ótedi.
