Foto: Turizm jane sport ministrligi
2011 jyly Almaty men Astanada elimiz boıynsha alǵash ret VII qysqy Azııa oıyndary uıymdastyrylyp, Qazaqstan quramasy komandalyq esepte birinshi orynǵa ıe boldy: 32 altyn, 21 kúmis, 17 qolaǵa qol jetkizip, buryn-sońdy bolmaǵan rekord tirkedi.
2013 jyly Almatydaǵy Balýan Sholaq atyndaǵy saraıda bokstan eresekter arasynda eki aptaǵa sozylǵan əlem chempıonaty ótip, Birjan Jaqyp, Mereı Aqshalov, Danııar Eleýsinov, Jənibek Əlimhanuly əlemdik synda atoı saldy. 4 altyn, 2 kúmis, 2 qola medal enshilegen Qazaqstan quramasy jalpykomandalyq esepte kósh bastady.
2014 jyly Alataý baýraıynda aýyr atletıkadan ótken jahandyq dodada Qazaqstan quramasy 3 altyn, 2 kúmis, 1 qolamen jalpykomandalyq esepte 3-orynǵa ıe boldy. Álemdik jarysta Zúlfııa Chınshanlo, sol ýaqytqa deıin úsh dúrkin əlem chempıony bolyp, tórtkúl dúnıege ózin moıyndatyp úlgergen Ilıa Ilın jáne Jasulan Qydyrbaev top jardy.
Álemdik jarystar ótkizý 2015 jyly bas shaharǵa oıysyp, təýelsizdik tarıhyndaǵy tórtinshi əlem chempıonatynyń shymyldyǵy elordada túrildi. Dzıýdodan jahandyq tatamı básekesinde Eldos Smetov (60 kg) əlem chempıonatynda altynmen aptaldy. Al fınalda E.Smetovtan jeńilgen Rýstam Ybraev el tarıhynda kúmispen kúptelgen ekinshi sportshy atandy.
2016 jyly dúnıejúziniń eń myqty burymdy boksshylarynyń basyn qosqan Astanadaǵy dúbirli dodada qyzdarymyz 10 salmaq dərejesi boıynsha synǵa túsip, Qazaqstan quramasynyń 4 boksshysy jahannyń teńdessiz sportshysy degen ataqqa ıe bolsa, eki sportshymyz el qorjynyna qola júlde saldy. Naqty ataǵanda, Nazym Qyzaıbaı (48 kg), Dına Jolaman, (54 kg), Valentına Halzova (69 kg), Ləzzat Kúngeıbaeva (+81 kg) altynnan alqa taǵyp, qazaqtyń kúrzi judyryqty qyzdary da myqty ekenin pash etti.
2017 jyly elimizde 28-shi Búkilálemdik qysqy Ýnıversıada saıysy ótti. On kúndik stýdenttik oıyndarda jerlesterimiz – 11 altyn, 8 kúmis, 17 qola, barlyǵy 36 medal oljalap, komandalyq esepte ekinshi orynǵa taban tiredi.
2019 jyly elorda tórinde uıymdastyrylǵan kúres túrlerinen jahan birinshiliginde tórtkúl dúnıeniń eń myqty 1002 balýany beldesti. Bas shahardaǵy əlemniń basty jarysy – Tokıo Olımpıadasyna joldama beretin alǵashqy lısenzııalyq týrnır boldy. El namysyn qorǵaǵan 30 balýanymyzdyń arasynan úsh órenimiz fınalǵa shyǵyp, tórt balýanymyz qola medal ıelendi.
