Atalǵan federasııanyń prezıdenti Qýanyshbek Esekeevtiń jetekshiligimen ótken is-sharaǵa osy kúres túriniń basy-qasynda júrgen beldi mamandar qatysty. Nátıjesinde, jyldyń eń úzdik dzıýdoshy dep tanylǵan Ábıba Ábýjaqynovaǵa 5 myń dollar tabys etildi. 26 jastaǵy sportshymyz bıyl Azııa oıyndarynda kúmis medaldy ıelenip, Portýgalııadaǵy Gran-prı týrnırinde altynnan alqa taqty. Parıj jáne Tbılısıdegi Grand-Slem dodasynda qolaǵa qol sozdy. Túrli týrnırlerde tabysty óner kórsetken Maǵjan Shamshadın, Esmıgúl Kýıýlova, Abylaıhan Jubanazar jáne Nurlyhan Sharhan 3 myń dollardan alsa, Janarys Rahmetqalı, Talǵat Orynbasar, Nurlan Isataev, Balǵabaı Dosbol, Sabına Iýldashbekova, Oralbek Baızaq, Berikbol Jumanbekov syndy jastar men jasópirimder býynynyń ókilderine de aqshalaı syılyqtar tabys etildi.
Sondaı-aq birqatar myqty balýan men bilikti mamannyń da eńbekteri eskerýsiz qalǵan joq.
