Úzdikterdiń marapaty

Is-sharaǵa qatysqan Ishki ister mınıstrliginiń apparat­ bas­shysy, polısııa general-maıory Ońal Bekeev mınıstr­lik­tiń bastamasymen ótken shy­ǵar­mashylyq baıqaýlar men joba­lardyń jýrnalıster men quqyq taqyrybynda qalam tartyp júrgen jastar arasynda ta­nymal bolyp kele jatqanyn aıt­ty. Oǵan dálel – jyl saıyn­ qa­ty­sýshylar sany da artyp keledi.

– Bıyl «Pogondy jýrnalıst» jobasy úshinshi jyl qatarynan uıymdastyryldy. Onyń basty maq­saty – polısııanyń quqyqtyq tártip pen azamattardyń qaýip­siz­­digin qamtamasyz etýdegi qyz­me­tin buqaralyq aqparat qural­da­ryn­da belsendi jarııalap, onyń ashyq­tyǵyn qamtamasyz etý, jýrnalıs­ter­men ózara ynty­maq­tas­tyqty nyǵaıtý. Bıyl jobaǵa respýb­lı­kalyq jáne óńirlik BAQ-tyń 63 jýr­­nalısi qatysyp, 90-nan astam mate­rıal BAQ pen áleýmettik jelide jarııa­landy. Jobaǵa qatysýshy jýr­nalıster polısııanyń bir kún­dik ómiri týraly jan-jaqty ári qyzyq­ty materıaldar ázirledi, – dedi mınıstr­liktiń apparat basshysy.

Onyń aıtýynsha, «Meniń polısııam» balalar baıqaýy talantty balalardy qoldaý, olardy otbasyna, óz eline degen súıispenshilikke baýlý, balalardy polısııanyń qyz­metine baǵdarlaý, quqyq buzýshylyqqa qarsy dúnıe­tanym­dy qalyptastyrý maqsa­tyn­da uıymdastyrylǵan. Shy­ǵar­­mashylyq baıqaý «Úzdik esse», «Úzdik Tıktok», «Úzdik beı­ne­rolık/vine» atalymdary bo­ıynsha barlyq aýmaqtyq bóli­niste ótkizildi. «Irikteý týry­nyń qorytyndysy boıyn­sha balalardyń 70-ke jýyq ju­my­sy «úzdik» dep tanylyp, qazy­lar alqasyna usy­nyldy. 21 beınematerıal, 23 esse, 18 tıktok jumysyn tanymal qalam­gerler, til mamandary men televı­zııa salasynyń maıtalmandary baǵalap, ádil baǵasyn berdi. Balalar «Meniń ákem – polıseı», «Polısııa – qaýipsizdik pen tár­tip­tiń tiregi», «Beıbit kúnniń batyr­lary», «Esirtkige jol joq!», «Mek­tep­tegi qaýipsizdik», «Bala – bas­ty jolaý­shy» ta­qy­­ryptaryn arqaý etip, óz shy­ǵar­malaryn usyndy», dedi Ońal Bekeev. Jalpy, bala­lar shyǵarmashylyǵyna arnal­ǵan baıqaý polıseıdiń pozı­tıv­ti obra­zyn qalyptastyrýǵa jáne balalardyń polısııa maman­dy­­ǵyna degen qyzy­ǵý­shylyǵyn art­tyrýǵa, sondaı-aq urpaqtar sabaq­tastyǵyn jalǵastyrýǵa sep­ti­gin tıgizgen.

Sonymen «Pogondy jýrnalıst» jobasynyń qorytyndysy boıynsha «Eń kreatıvti jýrna­lıst» dıplomymen «Polisia.kz» medıa-portalynyń tilshisi Aqmaral Mahambetáli, al «Kási­bılik pen jýrnalıstik sheber­li­gi úshin» dıplomymen osy jol­dar­dyń avtory marapattaldy.

«Jyldyń úzdik jobasy» dıp­­­lomy «Bag.kz» aqparattyq agent­ti­gi­­niń aǵa tilshisi Gúljan Raman­qu­­­lo­vaǵa buıyrdy. Al «Egemen Qazaqstan» gazetiniń til­shisi Jadyra Mú­si­lim men «Saqshy» gazetiniń til­shisi Gaý­ha­raı Esimova «Úzdik maqala» dıplomyna ıe boldy.

«Habar» telearnasy «Oıan» tań­ǵy baǵdarlamasynyń tilshisi Qarakóz Kenjebaeva «Úzdik beınematerıal», Qazaq radıosynyń redak­tor-júrgizýshisi Azamat Tilepov «Úzdik aýdıo materıal», «Polisia.kz» jýrnalynyń tilshisi Natalıa Mosýnova «Eń utymdy taqyryp» dıplomdarymen marapattaldy.

Osy kúni «Kazahstanskaıa pravda» gazetiniń tilshisi Áset Syz­dyqovqa «Qazaqstan polısııa­syna 30 jyl» estelik tósbelgisi tabys etildi. «Iýrıdıcheskaıa gazeta» gazetiniń tilshisi Lınara Saqta­ǵanovaǵa IIM-niń­ Qurmet gramotasy berildi.

«Meniń polısııam» respýb­lı­kalyq balalar baıqaýynyń qory­tyndysy boıynsha «Úzdik beınerolık» atalymy boıynsha III dárejeli dıplommen Astana qalasy №95 mektep-lıseıiniń 5-synyp oqýshysy Aızere Qorǵanbekova, «Jas qalam» atalymy boıyn­sha dıp­lommen Astana qalasy «Zerde» mamandandyrylǵan mektep-lıseıiniń 9-synyp oqýshysy Nurálı Kenjeǵoja mara­pat­taldy.