Tartysqa toly tatamı

Atalǵan jarysqa Qazaqstan men Reseıdiń tórt klýby qatyssa, Fransııa, Ispanııa, О́zbekstan, Grýzııa, Mońǵolııa, Qyrǵyzstan, Ázerbaıjan, Belarýs jáne Tájikstan bir-bir komandadan qosty. Bul memleketterdiń barlyǵynda kúrestiń osy túrinen jeńispen órilgen baı dástúri baryn jankúıerler jaqsy biledi. Sonymen qatar ár komanda óz qataryn legıonerlermen tolyqtyrýǵa quqyly edi. Alǵashynda qatysýshylar birneshe topqa bólinip, bir-birimen sheberlik baıqasty. Solardyń arasynan sýyrylyp shyqqandary júldeli oryndar úshin talasty.

Qazaqstanda jasaqtalǵan ujymdar arasynda eń jaqsy kórsetkishke «Je­ńis» klýby qol jetkizdi. Bul koman­danyń sapynda elimizdiń tanymal balýan­darymen qatar, álem men Eý­­ropanyń eki dúrkin chempıony, sol ja­rystardyń kúmis júldegeri Tato Grıgalashvılı (Grý­zııa), Azııa oıyndarynyń jeńim­pazy Erlan She­rov (Qyrǵyzstan), jastardyń álem bi­rin­shiliginiń jeńim­pazy Sabo Ina­neıshvılı (Grýzııa), taǵy basqa bir top legıoner óner kórsetti. Týrnır barysynda Is­panııanyń «Spanish Judo Car-Madrid», Belarýstiń «Stayki» jáne Mońǵo­lııa­nyń «Genco» klýbtaryn qapy qald­yrǵan jerlesterimiz qola medal úshin tartysta Reseıdiń «Lo­komotıvin» 3:0 esebimen oısyrata utty.

Chempıondyq ataq úshin aıqas Grý­zııanyń «Shevardeni» men Tájikstannyń «Hoji Sharif» ujymdary arasynda ótti. Bul básekede Qap taýy bókterinen kelgen balýandar basymdyq tanytyp, bas júldeni oljalady. Jeńimpaz ko­mandanyń namysyn Georgıı Tý­tash­vılı, Kote Kapanadze, Zaýr Dvala­shvılı, Georgıı Jabnıashvılı, Shal­va Gýreshıze syndy sańlaqtar qor­ǵady. Taǵy bir qola medal Reseıdiń «Edelweiss» klýbyna buıyrdy.

Jarys aıaqtalǵannan soń, jeńis tu­ǵyryna kóterilgen komandalar my­na­daı mólsherde syıaqy aldy: 1-oryn – 30 myń, 2-oryn – 20 myń jáne 3-oryndy enshilegenderdiń árqaısysyna 10 myń dollardan buıyrdy. Sonymen qatar týrnır barysynda aı­ryqsha kózge túsken balýandarǵa uıym­dastyrýshylar tarapynan arnaıy júldeler tabys etildi. Atap aıtsaq, Tato Grıgalashvılı «Eń úzdik dzıýdoshy» dep tanyldy. Grýzııanyń maqtanyshy qazaqtyń atymtaı jomarty Beket Mahmudov atyndaǵy júldemen qatar, 10 myń dollar ıelendi. Ataqty balýan, KSRO halyqtary spartakıadasynyń jeńimpazy Qaırat Muqanovtyń qurmetine taǵaıyndalǵan júlde («Úzdik ádis») Kote Kapanadzege, Qanat Baısholaqov júldesi («Je­ńiske degen jigeri úshin») Jansaı Sma­ǵulovqa, Olımpııa oıyndarynyń eki dúrkin júldegeri, álem chempıony Eldos Smetovtiń júldesi Qubanychbek Aıbekulyna, álem chempıony Maksım Rakov júldesi Dastan Jumajanovqa buıyrdy. Olardyń árqaısysy 5 myń dollardy qaltasyna basty.

Elimizde tuńǵysh ret ótkizilip otyr­ǵan jarystyń ashylý jáne jabylý rásiminde sóz alǵan Qazaqstan dzıýdo federasııasynyń prezıdenti Qýa­nyshbek Esekeev, Halyqaralyq dzıýdo federasııasy prezıdentiniń keńes­shisi Almaz Álsenov aldaǵy dú­bir­li dodalarda qazaq balýandaryna sáttilik tiledi.