Búginderi baǵaly qaǵazdardy shyǵarý kólemi 15 mln dollardy qurap, saýda-sattyq qorytyndysy boıynsha kýpondyq mólsherleme jarty jylda bir ret kýpondyq syıaqy tóleı otyryp, 5,65% deńgeıinde aıqyndaldy.
Is-sharada «Báıterek» ulttyq bıznes holdıngi tóraǵasynyń orynbasary Botagóz Ábisheva: «Elimizdiń Prezıdenti jarııalaǵan 2060 jylǵa qaraı kómirtegi beıtaraptyǵyna qol jetkizý jónindegi josparlardy jáne ESG qaǵıdattaryn engizýdiń jalpy trendin eskere otyryp, «Báıterek» jańartylatyn energetıka, energııa tıimdiligin arttyrý men qoldanystaǵy energetıkalyq ınfraqurylymdy jańǵyrtýǵa kiretin «jasyl» jobalardy qoldaýǵa erekshe nazar aýdaryp otyr. Búgingi «jasyl» oblıgasııalardy ornalastyrý elimizdegi jańartylǵan energııa kózderin damý jolyndaǵy taǵy bir qadam boldy», deıdi.
AIX bırjasynda ornalastyrylǵan barlyq oblıgasııany naryq qatysýshylary tolyq kólemde satyp aldy. Bul rette ınvestorlar tarapynan jarııalanǵan ornalastyrý kólemine suranys 122,7 %-dy quraıdy.
«Qazaqstannyń Damý banki» AQ basqarma tóraǵasy Marat Elibaev:«QDB ESG qaǵıdattaryn óz jumysy men qaryz alýshylarynyń qyzmetine, onyń ishinde elimizde «jasyl» ekonomıkany damytý úshin turaqty qarjylandyrý quraldaryn engizý arqyly belsendi túrde iske asyryp keledi. Oblıgasııalardy ornalastyrý úshin Ortalyq Azııada alǵash ret Climate Bonds Initiative halyqaralyq standartqa sáıkes sertıfıkat alynǵany mańyzdy», deıdi.
Climate Bonds Initiative (CBI) sertıfıkaty «Astana» halyqaralyq qarjy ortalyǵynyń Green Finance Center seriktestigimen alynǵanyn ataı otyryp, klımattyq oblıgasııalardyń álemdik standartynda baǵaly qaǵazdardyń saı ekenin kórsetedi. Osylaısha, Damý bankiniń oblıgasııalary CBI halyqaralyq standarttary boıynsha sertıfıkat alǵan Ortalyq Azııa keńistigindegi qarjy ınstıtýttary arasyndaǵy boryshtyq kapıtal naryǵyndaǵy alǵashqy mámile boldy.
Ornalastyrý nátıjesinde alynǵan qarajat eldegi jańartylatyn energetıka salasyndaǵy jobany qarjylandyrýǵa baǵyttalady. Tańdaý jańartylatyn kózderdegi úsh jobanyń arasynda jasalýy múmkin, olardyń tizimi jobalardyń nesıelik qarajatty ıgerý kezeńindegi daıyndyǵyna baılanysty SBI sertıfıkattaýyna sáıkes anyqtalǵan.
Sarapshylar atalǵan jobany júzege asyrý Qazaqstanda energııa óndirýdiń jalpy kólemindegi JEK-tiń úlesi artyp, energııa júıesinde tapshylyq azaıar edi degen pikirde.
«Jasyl» oblıgasııalardy shyǵarý Damý bankiniń «Astana» halyqaralyq qarjy ortalyǵy Astana International Exchange qor bırjasy alańynda júrgizilgen alǵashqy mámilesi boldy.
Bul rette «Astana» halyqaralyq qarjy ortalyǵynyń basshysy Renat Bekturov: «Búgin Qazaqstanda ǵana emes, óńirde de jasyl qarjylandyrýdy damytýda jańa beleske qol jetkizildi.Ortalyq Azııada Climate Bonds Initiative (CBI) standarty boıynsha sertıfıkattalǵan jasyl oblıgasııalar alǵash ret ornalastyryldy. Bizdiń bırjamyz atalǵan jyldar aralyǵynda ınnovasııalyq jáne turaqty qarjylyq ónimder alańy retinde ózin tanytty. Men «Báıterek» holdıngine, onyń enshiles uıymdaryna, sondaı-aq bizdiń barlyq emıtentimizge alańymyzdy tańdaǵany úshin alǵys aıtamyn», deıdi.
