Foto: Ashyq derekkóz
«Jastar saraıynda» «Amanat» damý ereksheligi bar balalardy túzetý ortalyǵynyń bilim alýshylary úshin ǵajaıyp kesh ótti. Múmkindigi shekteýli balalarǵa merekelik kóńil-kúı syılaǵan saltanatty is-sharany Qostanaı oblystyq jastar resýrstyq ortalyǵynyń qoldaýymen eriktilerdiń front-ofısi uıymdastyrdy.
Daýn sındormy, aýtızmge shaldyqqan múmkindigi shekteýli jetkinshekter artısterdiń tańǵajaıyp ónerin tamashalap, sheberlikterine tánti boldy. Aıaz ata, Aqsha qar ónerli balalarǵa syılyqtar úlestirip mereıin tasytty. Úkimettik emes uıymdardyń eriktileri oblystyq balalar úıi men «Otbasyn beıimdeý jáne qoldaý ortalyǵy» KMM tárbıelenýshilerine de merekelik is-shara ótkizdi.
Sonymen birge «Jastar rýhy» jastar qanatynyń belsendileri «Kámeletke tolmaǵandardy ýaqytsha oqshaýlaý, beıimdeý jáne ońaltý ortalyǵy» men «Qostanaıda ómirlik qıyn jaǵdaıǵa tap bolǵan balalardy qoldaý ortalyǵyndaǵy» tárbıelenýshilerdi jańa jyl merekesimen quttyqtap, syılyqtar úlestirdi.
Qostanaı oblysynyń eriktileri jańa jyl qarsańynda 1500-den asa balany qamtyǵan 46 merekelik aksııa uıymdastyrdy.
