Keńeske qatysýshylar jańa bilim ordalaryn jobalaý jáne salý, olardy zamanaýı jabdyqtarmen jáne jıhazben jaraqtandyrý, memlekettik saraptama júrgizý, qarjylandyrý jáne basqa da birqatar máseleni talqylady.
Búgingi tańda 217 mektep boıynsha belsendi jumys júrip jatyr. Barlyq úderis jobalyq basqarýdyń arnaıy aqparattyq júıesinde baqylanady, onda sondaı-aq naqty ýaqyt rejiminde qurylys-montajdaý jumystarynyń barysyn baqylaýǵa bolady. Jalpy, 2026 jylǵa deıin ulttyq joba aıasynda 740 myń oqýshyǵa arnalǵan jańa formattaǵy 369 mektep salý kózdelgen.
Álıhan Smaıylovtyń aıtýynsha, ýákiletti memlekettik organdar men uıymdar jumystardyń oryndalý sapasyn muqııat qadaǵalap, nysandardyń baǵasyn negizsiz kóterýge jol bermeýge tıis. Mektepterdi belgilengen merzimde tapsyrý qajet.
