Túrli-tústi kilemder

Kórmege kilem óndirisinde al­­­­dyńǵy qatarly qolóner bu­ıym­­­­daryn daıyndaıtyn «Nasim Nayman Qazaq Karpet» kompa­nııa­synyń kilemderi qoıyldy.

60-jýyq túrli kompozısııalyq sıýjetti beınelegen kilemder ózgeshe mánerimen, ásemdigimen, ár tústi boıaýymen kóz tartady. Shyǵys úlgilerine tán órnekterge óte baı. Qazaqy oıýlardyń da bederi baıqalady. Kompanııa bas­shysy Nasım Naıman bala kúni­nen kilem toqýmen aınalysyp, osy salada biraz jetistikke qol jetkizgen. Aýǵanstanda kilemdi qolmen toqý ónerkásibiniń damýy­na zor úles qosqan.

Is-sharanyń ashylýynda Ult­tyq mýzeıdiń ǵylymı hatshysy Saıalbek Ǵızatov mazmunǵa baı kórmeniń mańyzy týraly sal­maqty oı sabaqtady.

«Bizdiń mýzeı halqymyzdyń san ǵasyrdan beri jalǵasyp kele jatqan qolónerin damytýǵa óte yqylasty. Onyń bir mysaly retin­de bıyl ashylǵan  «Qol­ónershiler ortalyǵyn» aıta alamyz. Búgingi is-shara da sonyń bir dáleli. Kórmeniń ereksheligi – Aýǵanstanda turatyn baýyrlarymyz ózderi toqyǵan kilemderin el nazaryna usynyp otyr. Olar bul ónerdi aıtarlyqtaı damytyp qana qoımaı, ony álemdik deńgeıde nasıhattap, dáriptep júrgenine kóz jetkizdik», dedi ol.

Odan keıin sóz alǵan «Otan­dastar qory» kommersııalyq emes aksıonerlik qoǵamynyń at­­qarýshy dırektory Nurhan Ja­lıev jınalǵandardy kórmeniń ashy­lýymen quttyqtap, atalǵan qordyń shetelde turatyn qan­dastarǵa baılanysty jyl boıy ótkizgen is-sharalary jaıynda baıandady. «Nasim Nayman Qazaq Karpet» kompanııasynyń basshy­sy Nasım Naıman kórmeni ót­kizýge uıytqy bolǵan barsha aza­matqa rızashylyǵyn bildirip, kilem toqýdyń qyr-syry týraly oı bólisip, osy kásipti odan ári damyta beretinin jetkizdi. Al «Elsana Amanat» qoǵamdyq qo­ry­nyń prezıdenti Serik Erǵalı bul kórmede elimizdiń memlekettik týyn beınelegen kilemnen bastap, Reseıdiń Sankt-Peterbýrg qala­syndaǵy Ermıtajda saqtalǵan Pazyryq kileminiń kóshirmesin ta­mashalaýǵa bolatynyn atap ótti.