Memlekettik syılyqtyń laýreaty, Jambyl oblysynyń Qurmetti azamaty Tuńǵyshbaı Jamanqulovtyń 75 jyldyǵy jergilikti atqarýshy bıliktiń nazarynan tys qalǵan joq. Mereıtoı ıesiniń qurmetine arnalǵan is-shara Asqar Toqpanov atyndaǵy oblystyq qazaq drama teatrynda uıymdastyryldy.
Bul kúni teatrǵa aǵylǵan ónersúıer qaýymnyń qarasy qalyń boldy. Jergilikti jurt «Abylaı hannyń aqyrǵy kúnderi» qoıylymyn tamashalaý, teatr tarlanyna qurmet kórsetý úshin asyqty. Is-sharaǵa óńir basshysy Erbol Qarashókeev te arnaıy qatysty.
Spektakldi tarazdyq ónersúıer qaýymmen birge tamashalaǵan óńir basshysy sońyra mereıtoı ıesin quttyqtady.
«Búgin sahnalanǵan «Abylaı hannyń aqyrǵy kúnderi» qoıylymy júrekti qozǵady, kópshilikti tolǵandyrdy. Bir sózben aıtqanda, teatrǵa kelgen jurttyń kóńilinen shyqty. Qazaq óneri men rýhanııatynda sizdiń ornyńyz bıik shyńǵa aınalǵany aqıqat. Mereıtoıyńyz qutty bolsyn! Jarty ǵasyrdan astam ýaqyt boıy atqarǵan tynymsyz eńbegińiz úshin alǵysymyz zor. Biz sizben qaı kezde de maqtanamyz. Otbasyńyzǵa baqyt, denińizge saýlyq tileımin. Jańa rólderińizben jerlesterińizdi qýanta berińiz», dedi E.Qarashókeev.
Is-shara sońynda oblys ákimi mereıtoı ıesiniń ıyǵyna zerli shapan jaýyp, qurmet kórsetti.
TARAZ
