Batys Qazaqstan oblysy Tótenshe jaǵdaılar departamentine oqıǵa týraly málimet 4 qańtar saǵat 02:07-de túsken. Belgili bolǵandaı, Oral qalasy Syrym Datov kóshesi 52 mekenjaıyndaǵy «RIZYQ» dámhanasynda órt shyqqan. TJD qyzmetkerleri oqıǵa ornyna saǵat 02:17-de jetken.
«Eki qabatty «RIZYQ» dámhanasynyń ǵımaratynda aldyn ala boljam boıynsha gaz-aýa qospasynyń jarylysy bolǵan. Ǵımarattyń 110 sharshy metr aýmaǵy qırap, 25 sharshy metr aýmaǵynda órt shyqqan. О́rt saǵat 02:40-ta sóndirildi. Oqıǵa ornynda №1 MО́SB, № 2 MО́SB, № 8 О́SB, № 5 О́SB, órt sóndirýdiń kezekshi qyzmeti, jeke quramnan 39 adam jáne 13 tehnıka birligi, jedel qutqarý jasaǵy qutqarýshylarynan 8 adam jáne 2 tehnıka jumyldyryldy. Jedel medısınalyq járdem brıgadasynan 18 adam, 6 birlik tehnıka, polısııa departamentinen 28 adam, 7 birlik tehnıka jumys istedi», delingen jergilikti TJD málimetinde.
Sondaı-aq oqıǵa ornyna BQO TJD basshylyǵy, «О́S jáne AQJQ» MM, oblys ákimdigi jáne QR TJM О́nerkásiptik qaýipsizdik komıtetiniń BQO boıynsha departamenti ókilderi barǵan. Qazir TJD jáne oblys ákimdiginiń qyzmetkerleri qıraǵan úıindilerdi tazartyp jatyr.
Zardap shekkenderge shuǵyl psıhologııalyq kómek kórsetý úshin BQO TJD shtabynda 8 (7112) 55-40-88 nómiri boıynsha jedel jeli jumys istep tur.
