Elordalyq komanda buǵan deıingi úsh týrda jaqsy oıyn órnegin kórsetip, qatarynan úsh márte jeńiske jetti. Bul jeńisti serııanyń kezdeısoq emes ekenin syrt alańda dáleldeý ońaı bolmaǵanymen, «Barys» baryn salatyny túsinikti edi. «Lokomotıv» ońaı shaǵylatyn jańǵaq emes. Reseılik klýb 44 oıynnan keıin 63 upaımen 2-orynda keledi. Al «Barys» týrnır kestesinde 45 oıynnan keıin 37 upaımen 19-orynǵa jaıǵasqan.
Sonymen bul oıyn óte tartysty boldy. Reseılik klýbtan Aleksandr Polýnın, Aleksandr Elesın, Aleksandr Volkov, Rýshan Rafıkov mergendik tanytty. Al elordalyq komandadan Entonı Kamara eki ret kózge tústi. Ol qatarynan jeti oıynda shaıba soǵyp, úzdik oıynymen kózge tústi. Sondaı-aq «Barystyń» paıdasyna Davıd Sklenıchka, Djozef Labeıt shaıba soqty. Osylaısha, negizgi kezeń 4:4 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte elordalyq klýbtyń joly boldy. Nátıjesinde, «Barys» qarsylasyn 5:4 esebimen jeńip ketti. Bul – elordalyq klýbtyń qatarynan tórtinshi jeńisi.
