Foto: Senat
Depýtattar Nurlan Beknazarov pen Aıgúl Qapbarova «A-2 aınalma jolynyń» qurylys barysymen tanysty. Senatorlarǵa kólikterdiń sany artýynan keptelister kóbeıgendigi habarlandy. Magıstraldyq jáne tranzıttik aınalma joldardyń qurylysyn tolyq aıaqtaý úshin 2024 jylǵa arnalǵan respýblıkalyq bıýdjetten 10,2 mlrd teńge bólý qajet. Depýtattar óz kezeginde bıýdjetti naqtylaý barysynda atalǵan másele tıisti mekemelermen birlesip pysyqtalatynyn atap ótti.
Senatorlarǵa sonymen qatar, jańadan paıdalanýǵa berilgen, jergilikti atqarýshy organnyń bıýdjetinen salynǵan úsh qabatty órt sóndirý deposy kórsetildi. Qutqarýshylarǵa barlyq jaǵdaı jasalynǵan ǵımarat ishinde oqý synyby, demalys bólmesi, jatyn bólme, asúı, sport alańy, konferens-zal, tehnıkalyq úı-jaı, jeke quramnyń kásibı daıarlyǵyn arttyrýǵa arnalǵan oqý-jattyǵý munarasy bar.
Kezdesý barysynda «Turǵyn úı qatynastary týraly» zańǵa qyzmettik turǵyn úı berý nemese TJM quramyndaǵy azamattyq qorǵaý organdarynyń qyzmetkerlerine turǵyn úı tólemderin aýdarý bóliginde túzetýler engizýdi qaraý týraly usynys aıtyldy. Memleket tarapynan mundaı áleýmettik qoldaý osy saladaǵy kadrlyq turaqtylyqqa jáne kórsetiletin qyzmetterdiń sapasyn arttyrýǵa oń áserin tıgizetini atap ótildi.
Senatorlar Memleket basshysynyń «Egemen Qazaqstan» gazetine bergen suhbatynyń negizgi tujyrymdaryn Shymkent qalalyq TJD qyzmetkerlerimen birge talqylady.
