Foto: Ashyq derekkóz
Jambyl aýdandyq polısııa bóliminiń ýchaskelik polısııa ınspektorlary aýmaqty patrýldeý jumysy barysynda 31 jáne 34 jastaǵy Taraz turǵyndaryn ustaǵan.
Atalǵan saıttyń deregi boıynsha qylmys ústinde qolǵa túskender qorshaýlardy buzyp, metaldaryn urlamaq bolǵan.
Habarlamada: «Beıitterdi aqsha úshin talqandap, qorshaýlaryn bólshektep, temirge ótkizýdi josparlaǵanyn moıyndady. Olardyń Volkswagen Golf-3 jáne VAZ-2109 kólikteriniń júk salǵyshynan qabir qorshaýlarynyń bólikteri jáne arnaıy buzatyn jabdyq tabyldy», delingen.
Atalǵan derekke qatysty sotqa deıingi tergeý amaldary júrgizilip, ustalǵandardyń osyǵan uqsas basqa da qylmystarǵa qatystylyǵy tekserilip jatyr.
